ထိုက်တန်တဲ့ လျော်ကြေး ရဖို့ ဒေသခံတောင်သူများ ဆန္ဒပြ

မန္တလေးတိုင်း  မြင်းခြံခရိုင်မှာ စက်မှုစီမံကိန်းအတွက် သိမ်းဆည်းထားတဲ့ လယ်မြေဧက တစ်သောင်းကျော် အတွက် ထိုက်တန်တဲ့ လျော်ကြေးပေးဖို့နဲ့ ဖမ်းဆီးထား တဲ့တောင်သူ ၁ဝ ဦးကို လွတ်ပေးဖို့ ဒေသခံတောင် သူတွေနဲ့ လယ်သမားအရေးကူညီနေသူတွေ တောင်သူ တစ်ထောင်လောက်က ငါန်းဇွန်မြို့မှာ ဒီနေ့ ဆန္ဒပြတောင်းဆိုခဲ့ကြပါတယ်။

တောင်သူတွေနဲ့ တွေ့ဆုံညှိုနှိုင်းမှုတွေမလုပ်ဘူးဆိုရင် မန္တလေးမြို့မှာ သပိတ်စခန်းဖွင့်ပြီး တောင်းဆိုသွားမယ် လို့ ဆန္ဒပြပွဲကို ဦးဆောင်သူတစ်ဦးဖြစ်သူ ဦးမျိုးဝင်းက RFA ကိုပြော ပါတယ်။

"တွေ့ဆုံဆွေးနွေးတာမျိုး၊ ညှိနှိုင်းတာ မျိုး လျော်ကြေးနစ်နာကြေးမရဘူးဆိုရင် တောင် သူတွေရဲ့ဆန္ဒက အစိုးရရုံးစိုက်ရာ မန္တလေးမြို့မှာ ဆန္ဒပြသွားမယ်၊ သပိတ်စခန်းဖွင့်သွားမယ်ဆိုတဲ့ သဘောထားထုတ်ပြန်ထားပါပြီ၊ တကယ်လည်း အဲ့ဒီ လိုလုပ်သွားမှာပါ"

မန္တလေးတိုင်းဒေသကြီး မြင်းခြံခရိုင်အတွင်းက ငါန်းဇွန်မြို့ နယ်မှာ စက်မှုစီမံကိန်းဖော်ဆောင်ဖို့ဆိုပြီး MMDC အများပိုင်ကုမ္ပဏီက ၂ဝ၁၂ ခုနှစ်ကနေစပြီး သံဘို၊ ရွာစိုက်၊ တောင်အောက်၊ လက်ပံကျင်း၊ နဝရတ် စတဲ့ရွာပေါင်း ၁၄ ရွာက မြေဧက တစ်သောင်းကျော်ကို သိမ်းဆည်းခဲ့တာပါ။

စီမံကိန်းဖော်ဆောင်နေတဲ့ ဧရိယာအတွင်း ဝင်ရောက်တားဆီးခဲ့တဲ့ ရွာသားဆယ်ယောက်ကို ကျူးကျော်ဝင်ရောက် မှု၊ ပိုင်နက်ကျူးလွန်မှု၊ နိုင်ငံတော်အကြည်ညိုပျက်စေမှု အပါအဝင် ပုဒ်မ ၅ ခုနဲ့ တရားစွဲဆိုပြီး ငါန်းဇွန်မြို့နယ်ရဲစခန်း မှာ ဖမ်းဆီးထားတယ်လို့ သိရပါတယ်။