NLD လွတ်မြောက်နယ်မြေ ဌာနခွဲများ ဂျပန်ငလျင်ဘေး ငွေလှူမည်

ဒီ အကူအညီအတွက် NLD (လွတ်မြောက်နယ်မြေ-ဂျပန်ဌာနခွဲ) က ဦးစီးလှုံ့ဆော်ခဲ့တာ ဖြစ်ပြီး ဂျပန်ဒီမိုကရက်ပါတီ ဌာနချုပ်မှာ ဖွင့်လှစ်ထားတဲ့ ကူညီကယ်ဆယ်ရေး လက်ခံဌာနကို လာမဲ့ ရက်ပိုင်းအတွင်း သွားရောက် လှူဒါန်းမှာ ဖြစ်ကြောင်း သိရပါတယ်။

ဂျပန် ငလျင်ဘေးသင့် ပြည်သူတွေကို ကူညီဖို့အကြောင်း ဖြစ်လာတာနဲ့ပတ်သက်ပြီး NLD (လွတ်မြောက်နယ်မြေ-ဂျပန်ဌာနခွဲ) အတွင်းရေးမှူး ကိုသောင်းမြင့်ဦးက ခုလို ရှင်းပြပါတယ်။

“ဒီ ဂျပန်အစိုးရ အာဏာရ ပါတီဖြစ်တဲ့ ဒီမိုကရေစီ ပါတီကို ကျွန်တော်တို့ အမျိုးသား ဒီမိုကရေစီ လွတ်မြောက်နယ်မြေ ဗဟိုနဲ့ ဂျပန် ဌာနခွဲအပါအဝင် ဌာနခွဲတွေကနေ ပေါင်းပြီးတော့ ဂျပန် ပိုက်ဆံ ယန်း သောင်း ၁၀၀၊ ကျွန်တော်တို့ လှူဒါန်းဖို့ ရှိပါတယ်။”

“အခုလို ကူညီဖို့ ဖြစ်လာတဲ့ အကြောင်းရင်းက ကျွန်တော်တို့ ကိုယ်တိုင်လည်း မျက်မြင်ကိုယ်တွေ့ ကြုံတွေ့နေရတယ်။ နောက် ဂျပန်အစိုးရကလည်း အစဉ်တစိုက် ကျွန်တော်တို့ ဗမာတွေကို ကူညီပေးနေတာ ဖြစ်တယ်။ နောက်ပြီးတော့ အာဏာရနေတဲ့ ဒီမိုကရေစီပါတီ ဆိုတာလည်း ဗမာ့နိုင်ငံရေးကို တစိုက်မတ်မတ် ကူညီပေးနေတဲ့ ပါတီဖြစ်တယ်ပေါ့နော်။ ဒီလို အခက်အခဲတွေ ရင်ဆိုင် ကြုံတွေ့နေရတဲ့ အခါမှာ ဒီမိုကရေစီပါတီ အချင်းချင်း ကျွန်တော်တို့က ဗမာနိုင်ငံသားတွေရဲ့ ကိုယ်စား ရည်ရွယ်ပြီးတော့ လှူဒါန်းမယ်ဆိုတဲ့ ဟာမျိုးနဲ့ ကျွန်တော်တို့ ဆုံးဖြတ်လိုက်တာပါ။”