အလုပ်သမားအဖွဲ့ချုပ် ဦးဆောင်ဖွဲ့စည်းရေး NLD က ပြန်လည် ရှင်းလင်း
2011.05.03
နိုင်ငံခြားသို့ တင်ပို့မည့် ဆန်အိတ်၊ ပဲအိတ်များကို ဆိပ်ကမ်းဂိုထောင်များသို့ သယ်ဆောင်နေသော ပခုံးထမ်း လုပ်သားများ ဖြစ်ပါသည်။ (Photo: AFP)
AFP
ပထမ ကြေညာချက်မှာ နိုင်ငံလုံးဆိုင်ရာ အလုပ်သမား အစည်းအရုံး အဖွဲ့ချုပ် ဖွဲ့စည်း တည်ထောင်ပြီး အလုပ်သမား အကျိုးကို NLD က အမြဲတမ်း ကာကွယ် စောင့်ရှောက်သွားမယ်လို့ရေးသားထား ပါတယ်။
ဒီရေးသားချက်အရ အလုပ်သမားအဖွဲ့ကို NLD က ဦးဆောင် ဖွဲ့စည်းမယ့်သဘော သက်ရောက် သွားခဲ့ပါတယ်။ တကယ်တမ်း ဆိုလိုချင်တာက အလုပ်သမားအဖွဲ့ကို NLD က ဦးဆောင်ဖွဲ့စည်းမှာ မဟုတ်ပဲ အလုပ်သမားအဖွဲ့ပေါ်ပေါက်လာပြီးတဲ့အခါမှာ NLD က ပံ့ပိုးကူညီသွားမယ်လို့ဆိုလိုတာ ဖြစ်ကြောင်း NLD ပြောခွင့်ရပုဂ္ဂိုလ် ဦးဉာဏ်ဝင်းက RFA ကို ပြောပါတယ်။
"ကျတော်တို့ အရင်ထုတ်လိုက်တဲ့အထဲမှာ ဝါကျ အထားအသိုလွဲနေလို့ အဓိပ္ပါယ် နှစ်မျိုး သုံးမျိုး ပြောလာကြတယ်။ အဲဒါကြောင့်။ ဆိုလိုတဲ့ သဘောက အလုပ်သမား အဖွဲ့ချုပ်ကို NLD က ဖွဲ့မယ်ဆိုတဲ့ သဘော တချို့က သက်ရောက်နေတယ်။ အဲဒါကြောင့် အဲလို မဟုတ်ဘူး။ အလုပ်သမား အဖွဲ့ကတော့ ကိုယ့်ဖာသာကိုယ် ဖွဲ့ကြမယ်။ အဲလို ဖွဲ့ပြီးတဲ့ အခါမှာ အဖွဲ့ချုပ်ကနေပြီးတော့ အလုပ်သမား အကျိုးအတွက် ကာကွယ်စောင့်ရှောက်တဲ့ လုပ်ငန်းတွေကို လုပ်သွားမယ်လို့ အဲလို ပြင်တာပါ။"
တကယ်တမ်း အလုပ်သမားအဖွဲ့ချုပ်ကို ဖွဲ့စည်းရမယ့် ပုဂ္ဂိုလ်တွေက သက်ဆိုင်ရာ အလုပ်သမားတွေ ကိုယ်တိုင်ပဲ ဖြစ်တယ်လို့ ဦးဉာဏ်ဝင်းက ပြောပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
