ပညာရေးဥပဒေ ကြားနာပွဲအတွက် NNER ပြင်ဆင်မှုပြုလုပ်
2015.03.15
ပညာရေးစနစ်ပြုပြင်ပြောင်းလဲရေး နိုင်ငံလုံးဆိုင်ရာကွန်ရက် NNER က ဒေါက်တာသိန်းလွင် ဖေဖော်ဝါရီလ ၇ ရက်နေ့ က ဆော်လမွန်တာဝါမှာ သတင်းစာရှင်းလင်းပွဲပြုလုပ်စဉ်
နေပြည်တော်အမျိုးသားလွှတ်တော်မှာ ကျင်းပမယ့် အမျိုးသားပညာရေး ဥပဒေပြင်ဆင်ရေး ကြားနာပွဲမှာ ဖမ်းဆီးခံထားရတဲ့ ကျောင်းသား ကျောင်းသူတွေကို အမြန်ဆုံး ပြန်လွှတ်ပေးဖို့ တောင်းဆိုသွားမယ်လို့ ပညာရေးပြုပြင်ပြောင်းလဲရေး နိုင်ငံလုံးဆိုင်ရာကွန်ရက် NNER က ပြောပါတယ်။
လာမယ့် မတ်လ ၁၇ ရက်နေ့ ကြားနာပွဲကို NNER ကိုယ်စားလှယ်တွေတက်ရောက်မှာ ဖြစ်ပြီး ကျောင်း သားတွေကို လွှတ်ပေးဖို့တောင်းဆိုသွားမယ်လို့ NNER အဖွဲ့ဝင် ကိုစိုးထွန်းက ပြောပါတယ်။
" သူတို့ဘက်ကမေးမြန်းမယ့်ကိစ္စတွေမှာလဲ ကျနော်တို့ ဘက်က ရှင်းပြစရာရှိတာရှင်းပြသွားမှာပါ၊ ကျနော် တို့ဘက်က ၁၁ ချက်ကတော့ တရားမျှတမှုရှိ တယ်၊ ဒါတွေဟာ ဒီမိုကရေစီပညာရေးနဲ့ ကိုက်ညီမှုရှိတယ်၊ ဖြစ်သင့်ဖြစ်ထိုက်တယ်၊ ပြင်သင့်တဲ့ကိစ္စတွေကို ကျနော်တို့ကထောက်ခံပြီးတော့ဆွေးနွေး သွားမှာပေါ့၊ ဖမ်းထားတဲ့ကျောင်းသားတွေ အမြန်ဆုံးပြန် လွှတ်ပေးဖို့ကိုလဲ လေးပွင့်ဆိုင်ရလဒ်ကိုလဲ အောင်အောင်မြင်မြင် အကောင်အထည်ဖော်ဖို့ အတွက်ကို အားလုံးကညှိညှိနှိုင်းနှိုင်းနဲ့ ဆက်ပြီးတော့ ပူးပေါင်းဆောင်ရွက်ဖို့ပြောဖို့အတွက် ကျနော်တို့က တက်တာပါ "
ပြီးခဲ့တဲ့ မတ်လ ၅ ရက်နေ့က အမျိုးသားလွှတ်တော်မှာ စတင်ကျင်းပခဲ့တဲ့ အမျိုးသား ပညာရေး ဥပဒေ ပြင်ဆင်တဲ့ ဥပဒေမူကြမ်း ကြားနာပွဲ ပထမနေ့ကို သပိတ်မှောက် ကျောင်းသူ ကျောင်းသား ကိုယ်စားလှယ်တွေ တက်ရောက်မှု မရှိခဲ့သလို မတ်လ ၇ ရက်နေ့မှာလည်း NNER ကိုယ်စားလှယ်တွေကလည်း မတက်ရောက်ခဲ့ကြပါဘူး။
အမျိုးသားလွှတ်တော်က သပိတ်မှောက် ကျောင်းသားကိုယ်စားလှယ်တွေနဲ့ NNER ကိုယ်စားလှယ် တွေကို ကြားနာပွဲ တက်ရောက်ဖို့ ထပ်မံဖိတ်ကြားခဲ့ရာ NNER ကိုယ်စားလှယ်တွေက မတ်လ ၁၇ ရက် နေ့မှာ တက်ရောက်ဖို့ အကြောင်းပြန်ခဲ့ပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
