နိုင်ငံရေးအကျဉ်းသား အဓိပ္ပာယ် ဖွင့်ဆိုဖို့ အစီအစဉ် မရှိသေး


2017.06.21
aungsoe-620.jpg ပြည်ထဲရေးဝန်ကြီးဌာန ဒုတိယဝန်ကြီး ဗိုလ်ချုပ်အောင်စိုး ကို နေပြည်တော်မှာ ဇွန်လ ၂၁ ရက်နေ့က ကျင်းပတဲ့ အမျိုးသားလွှတ်တော် အစည်းအဝေးအပြီးမှာ တွေ့ရစဉ်
Photo: Win Ko Ko Latt/RFA

နိုင်ငံရေးအကျဉ်းသားနဲ့ နိုင်ငံရေးပြစ်မှုဆိုတာကို အဓိပ္ပာယ်ဖွင့်ဆိုဖို့ လတ်တလော အစီအစဉ်မရှိသေးဘူး လို့ ပြည်ထဲရေးဝန်ကြီးဌာန ဒုတိယဝန်ကြီး ဗိုလ်ချုပ် အောင်စိုး က ဒီကနေ့ ပြောကြားခဲ့ပါတယ်။

အမျိုးသားလွှတ်တော်မှာ ရခိုင်ပြည်နယ်၊ မဲဆန္ဒနယ်အမှတ် ၄ က အမျိုးသားလွှတ်တော် ကိုယ်စားလှယ် ဦးကျော်ကျော်က အစိုးရသစ်လက်ထက်မှာ နိုင်ငံရေးအကျဉ်းသား ဒါမှမဟုတ် ယုံကြည်ချက် ကြောင့် အကျဉ်းကျ ခံနေရတဲ့ အကျဉ်းသားအားလုံး တယောက်မကျန်လွှတ်ပေးဖို့ အစီအစဉ်ရှိ၊ မရှိ ဒီနေ့ မေးမြန်းခဲ့ရာ ဒုတိယဝန်ကြီး ဗိုလ်ချုပ်အောင်စိုးက လွှတ်ပေးပြီးဖြစ်တဲ့ အကျဉ်းသားတွေရဲ့ အခြေအနေကို ဖြေကြားခဲ့ပါတယ်။

ဒါနဲ့ပတ်သက်ပြီး အစည်းအဝေးအပြီးမှာ သတင်းသမားတွေကို ဒုတိယဝန်ကြီး ဗိုလ်ချုပ်အောင်စိုးကို နိုင်ငံရေး အကျဉ်းသားအဓိပ္ပာယ် ဖွင့်ဆိုမှုနဲ့ပတ်သက်ပြီး မေးမြန်းရာမှာ အဓိပ္ပာယ်ဖွင့်ဆိုဖို့ လတ်တလော အစီအစဉ်မရှိသေး ဘူးလို့ ပြန်လည်ဖြေကြားခဲ့တာဖြစ်ပါတယ်။

နိုင်ငံရေးအကျဉ်းသား အဓိပ္ပာယ်ဖွင့်ဆိုဖို့အတွက် လက်ကျန်နိုင်ငံရေးအကျဉ်းသားများ စိစစ်ရေးကော်မတီကို ပြီးခဲ့ တဲ့ အစိုးရလက်ထက်က နိုင်ငံရေးအကျဉ်းသားများ ကူညီစောင့်ရှောက်ရေးအသင်း AAPP အပါအဝင် အရပ်ဖက် အဖွဲ့တွေနဲ့ ပူူးပေါင်းဆောင်ရွက်ခဲ့ပေမယ့် မပြီးမြောက်ခဲ့ပါဘူး။

ပြီးခဲ့တဲ့ အစိုးရသက်တမ်းမှာ အကျဉ်းသားဦးရေ ၅သောင်းကျော် လွှတ်ပေးခဲ့ပြီး လက်ရှိအစိုးရ လက်ထက်မှာ အကျဉ်းသားဦးရေ ၂၄ဝဝ ကျော်လွှတ်ပေးခဲ့တယ်လို့ သိရပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။