NUG က ဒေါ်လာ သန်း ၂၀၀ ဖိုးရှိတဲ့ ငွေတိုက်စာချုပ်တွေ စတင်ရောင်းချ

အမျိုးသားညီညွတ်ရေးအစိုးရ (NUG) က အမေရိကန်ဒေါ်လာ သန်း ၂၀၀ ဖိုးရှိတဲ့ အထူးငွေတိုက်စာချုပ် တွေကို ပထမ အသုတ်အနေနဲ့ ဒီနေ့ နိုဝင်ဘာလ ၂၂ ရက်နေ့ မနက်မှာ စတင်ရောင်းချလိုက်ပြီလို့ ကြေညာ လိုက်ပါတယ်။

နှစ်နှစ်သက်တမ်းရှိပြီး အတိုးမဲ့သတ်မှတ်ထားကာ ရောင်းချလို့ရရှိလာမယ့် ငွေတွေကို စစ်အာဏာရှင် ဆန့်ကျင်ရာမှာ အသုံးပြုဖို့ NUG က ရည်ရွယ်ထားတာပါ။

NUG က ရောင်းချမယ့် ငွေတိုက်စာချုပ်အမျိုးအစား လေးမျိုးရှိပြီး အနည်းဆုံး ဒေါ်လာ ၁၀၀ တန်ကနေ ဒေါ်လာ ၅၀၀၊ ဒေါ်လာ ၁၀၀၀ နဲ့ ဒေါ်လာ ၅၀၀၀ အထိ ဝယ်ယူနိုင်တယ်လို့ ဆိုပါတယ်။

ငွေတိုက်စာချုပ်ဆိုတာဟာ အစိုးရတစ်ရပ်အနေနဲ့ ငွေကြေးလိုအပ်ချက်ကို ဖြေရှင်းဖို့အတွက် ငွေချေးယူတဲ့ နည်းလမ်းတစ်ခု ဖြစ်ပါတယ်။

ဒီငွေတိုက်စာချုပ်တွေဟာ ချေးယူသူနဲ့ ငွေချေးပေးသူတွေကြားက ငွေချေးသဘောတူစာချုပ်ဖြစ်ပြီး အတိုးမဲ့၊ အတိုး စသဖြင့် အမျိုးအစားမျိုးစုံ ရှိပါတယ်။

လက်ရှိ NUG က ရောင်းချတဲ့ ငွေတိုက်စာချုပ်တွေဟာ အတိုးမဲ့ဖြစ်ပြီး နှစ်နှစ်အကြာမှာ ပြန်လည်ထုတ်ယူ နိုင်မှာ ဖြစ်ပါတယ်။