NUG ကို အသိအမှတ်ပြုဖို့ ဗြိတိန်ဝန်ကြီးတွေကို ဒေါ်ဇင်မာအောင် တောင်းဆို
2023.02.07
အမျိုးသားညီညွတ်ရေးအစိုးရ NUG ရဲ့ နိုင်ငံခြားရေးဝန်ကြီး ဒေါ်ဇင်မာအောင်နှင့် ဗြိတိန်နိုင်ငံခြားရေးဝန်ကြီး James Cleverly တို့ ၂ဝ၂၃ ခုနှစ် ဖေဖော်ဝါရီလ ၇ ရက်နေ့က လန်ဒန်မြို့တွင် တွေ့ဆုံစဉ်။
Ministry of Foreign Affairs NUG/Facebook
အမျိုးသားညီညွတ်ရေးအစိုးရ NUG ရဲ့ နိုင်ငံခြားရေးဝန်ကြီး ဒေါ်ဇင်မာအောင်ဟာ ဗြိတိန်နိုင်ငံအစိုးရအကြီးအကဲတွေနဲ့ ပြီးခဲ့တဲ့ တနင်္လာနေ့က လန်ဒန်မြို့မှာ တွေ့ဆုံခဲ့ပါတယ်။
ဗြိတိန်နိုင်ငံခြားရေးဝန်ကြီး James Cleverly၊ အတိုက်အခံပါတီကိုယ်စားပြု အာရှ-ပစိဖိတ်ရေးရာဝန်ကြီး Catherine West နဲ့ မြန်မာ့အရေးပါလီမန်အဖွဲ့ ဥက္ကဋ္ဌ Rushanara Ali တို့နဲ့ သီးခြားစီတွေ့ဆုံခဲ့တာဖြစ်ပါတယ်။
တွေ့ဆုံချိန်မှာ အမျိုးသားညီညွတ်ရေးအစိုးရ NUG ကို မြန်မာနိုင်ငံရဲ့ တရားဝင်အစိုးရအဖြစ် သတ်မှတ်ဖို့နဲ့ မြန်မာပြည်သူတွေကို လူသားချင်းစာနာမှု အကူအညီတွေပေးဖို့ ဝန်ကြီး ဒေါ်ဇင်မာအောင်ဘက်ကတောင်းဆိုခဲ့ကြောင်း RFA က စုံစမ်းသိရပါတယ်။
ဗြိတိန်အစိုးရတာဝန်ရှိသူတွေဘက်ကလည်း မြန်မာပြည်သူတွေနဲ့ အတူရပ်တည်နေကြောင်း ပြန်လည်ပြောဆိုခဲ့ပါတယ်။
မြန်မာပြည်မှာ ဖြစ်ပျက်နေတဲ့ အခြေအနေတွေဟာ ထိတ်လန့်တုန်လှုပ်စရာကောင်းပြီး နိုင်ငံတကာအနေနဲ့ မြန်မာပြည်အရေး ပိုမိုဆောင်ရွက်ဖို့လိုတယ်လို့ ဗြိတိန်ဝန်ကြီး Catherine West က တွေ့ဆုံပွဲပြီးနောက် သူ့ရဲ့လူမှုကွန်ရက် တွစ်တာမှာရေးပါတယ်။
ဒေါ်ဇင်မာအောင်ဟာ ဗြိတိန်ခရီးစဉ်ပြီးရင် အမေရိကန်ပြည်ထောင်စုကို သွားဖို့ရှိပြီး အစိုးရတာဝန်ရှိသူတွေ မြန်မာပြည်အရေး တက်ကြွလှုပ်ရှားသူတွေနဲ့ တွေ့ဆုံဖို့ရှိနေပါတယ်။
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- KNA ခေါင်းဆောင် စောချစ်သူ နဲ့ သားနှစ်ဦးကို အမေရိကန် ပိတ်ဆို့အရေးယူ
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်