ဥပဒေဟောင်းတွေဖျက်ဖို့ လွှတ်တော်မှာဆွေးနွေး

မြန်မာနိုင်ငံမှာ တည်ဆဲအသင်းအဖွဲ့ဆိုင်ရာ ဥပဒေတွေဟာ တင်းကျပ်လွန်းတဲ့အတွက် ဒီအဆိုကို တင်သွင်းတာလို့ ရန်ကုန်တိုင်း သင်္ဃန်းကျွန်းမြို့နယ် လွှတ်တော်ကိုယ်စားလှယ် ဦးသိန်းညွန့်က RFA ကိုပြောပါတယ်။

အဲဒီအဆိုကို NLD ၊ NDF ၊တစည၊ ဖလုံစဝေါပါတီ၊ ကျားဖြူပါတီ၊ ရခိုင်တိုင်းရင်းသားများ တိုးတက်ရေး ပါတီတို့က ထောက်ခံ ဆွေးနွေးခဲ့ကြပါတယ်။

ဒီအတောအတွင်းမှာပဲ လွှတ်တော်မှာ ဒေါ်အောင်ဆန်းစုကြည် ဥက္ကဋ္ဌအဖြစ် တာဝန်ယူဆောင်ရွက်တဲ့ တရားဥပဒေ စိုးမိုးရေးနဲ့ တည်ငြိမ်အေးချမ်းရေး ကော်မတီထံကို တရားစီရင်ရေးဆိုင်ရာ တိုင်စာတွေ၊ လယ်ယာမြေ သိမ်းဆည်းခံရတဲ့ တိုင်စာတွေ အများအပြား ပေးပို့လာကြတယ်လို့ သိရပါတယ်။ ကော်မတီဖွဲ့စည်းပြီး ရက်ပိုင်းအတွင်းမှာပဲ အခုလို တိုင်ကြားစာတွေ ရောက်ရှိလာတာလို့ သိရပါတယ်။