ပေါက်တောမီး ၁၅ ဦး ဒဏ်ရာရ

ရခိုင်ပြည်နယ် ပေါက်တောမြို့မှာ ဒီနေ့ မနက်ပိုင်းက မီးလောင်မှုဖြစ်ပွားခဲ့ပြီး လူ ၁၅ ဦးအထိ ထိခိုက်ဒဏ်ရာရ ရှိခဲ့တယ်လို့ ပေါက်တောမြို့နယ် မီးသတ်ဦးစီးဌာန ကတာဝန်ရှိသူက ပြောပါတယ်။

မီးလောင်မှုကြောင့် ထိခိုက်ဒဏ်ရာရရှိသူတွေကို ပေါက်တောနဲ့ စစ်တွေဆေးရုံတွေပို ပို့ဆောင်ထားတယ်လို့ ပေါက်တောမြို့နယ် မီးသတ်ဦးစီးဌာနမှူး ဦးမျိုးမင်းထွန်းကပြောပါတယ်။

"အရေးကြီးလူနာကတော့ တစ်ယောက်၊ နှဏ်ယောက်ရှိတယ်လို့ သိရပါတယ်၊ စစ်တွေဆေးရုံကို ဒီကကြက်ခြေနီအဖွဲ့က ခေါ်သွားပါတယ်၊ ပေါက်တောက မီးသတ်ယာဉ် သုံးစင်းနဲ့ မီးငြိမ်းပါတယ်၊ ပိုင်ရှင်ကိုယ်တိုင် မီးလောင်ဒဏ်ရာရလို့ ဆေးရုံတင်ထားရပါတယ်၊ သူ့ကို မီးပေါ့ဆမှုနဲ့ ရဲစခန်းမှာ အမှုဖွင့်ထားပါတယ်"

ဒီနေ့မနက် ၈ နာရီခွဲအချိန်မှာ ထမင်းချက်ဖို့ မီးမွှေးရာကနေ လောင်စာဆီပုံးတွေကို မီးကူးစက် လောင်ကျွမ်းခဲ့ တာဖြစ်ပြီး မီးသတ် တပ်ဖွဲ့ဝင်အင်အား ၂၁ ဦးနဲ့ မီးငြှိမ်းသတ်ခဲ့ရပါတယ်။

မီးစတင်လောင်ကျွမ်းတဲ့အိမ်ဟာ ဆီဆိုင်ဖွင့်ထားတဲ့အိမ်ဖြစ်ပြီး အိမ်ရှင်ကို မီးပေါ့ဆမှုနဲ့ အမှုဖွင့်ထားတယ်လို့ သိရပါတယ်။

မီးလောင်ကျွမ်းမှုကြောင့် ဈေးဆိုင်ခန်းနဲ့ တွဲလျက်ရှိနေတဲ့ နေအိမ် ၁၅ လုံး လောင်ကျွမ်းခဲ့ပြီး ခန့်မှန်းဆုံးရှုံးမှုတန်ဖိုး ကတော့ ငွေကျပ် သိန်း ၁၅၀ လောက်ရှိတယ် လို့လည်း ပေါက်တောမြို့နယ် မီးသတ်ဦးစီးဌာနမှူးကပြောပါတယ်။