တိုက်ပွဲတွေ ပြင်းထန်နေလို့ ဒီရက်ပိုင်း ခရီးမသွားကြဖို့ PDF သတိပေး
ယင်းမာပင်မြို့နယ်က YOMA Fighter ပြည်သူ့ကာကွယ်ရေး တပ်ဖွဲ့ဝင်တွေကို တွေ့ရစဉ်
Photo - Citizen Journalist
တိုက်ပွဲတွေပြင်းထန်နေတဲ့ စစ်ကိုင်းတိုင်း ယင်းမာပင်ခရိုင်အတွင်း ချင်းတွင်းမြစ်ကူး တံတားကနေ ကလေး၀ - ယာကြီးလမ်းပိုင်းကို ဒီဇင်ဘာ ၂၂ ရက် ဒီနေ့ကစပြီး ပြည်သူတွေ ခရီးမသွားကြဖို့ ဒေသခံကာကွယ်ရေးတပ်ဖွဲ့ PDF တွေက သတိပေးကြေညာလိုက်ပါတယ်။
တိုက်ပွဲတွေကြောင့် လမ်းသွားလမ်းလာတွေ အန္တရာယ်များမှာစိုးလို့ ခုလိုသတိပေးတာလို့ PDF တပ်ဖွဲ့ ဝင် တစ်ဦးက ပြောပါတယ်။
"စစ်ကောင်စီနဲ့ ဒေသခံအဖွဲ့တွေ ယင်းမာပင်မြို့ အနောက်ဘက်နဲ့ မြို့ပတ်ပတ်လည်မှာ တိုက်ပွဲတွေ ဖြစ်နေတယ်။ အဲဒီတော့ ကနီ၊ ဆားလင်းကြီး၊ ပုလဲ ဘက်အခြမ်းတွေကနေလည်း ကူနေကြတာ၊ ဒီလမ်းပိုင်းတွေကို ဒီရက် ပြည်သူတွေသွားလာရင် အန္တရာယ်များမှာစိုးလို့ သတိပေးတာပါ၊ ပြန်လည် လာလို့ရရင် ပြန်ကြေညာပေးသွားမှာပါ"
စစ်ကောင်စီတပ်တွေဟာ သူတို့ကို အပြင်းအထန် ခုခံကာကွယ်နေတဲ့ဒေသတွေကို အင်တာနက်လိုင်းတွေ ဖြတ်တောက်ထားပါတယ်။
ဒီနေ့မနက်ကစပြီး ယင်းမာပင်မြို့နယ်တဝိုက်မှာလည်း တိုက်ပွဲတွေဖြစ်နေလို့ ငါးရွာထက်မနည်းက ဒေသခံတွေ ထွက်ပြေးတိမ်းရှောင်နေကြရတယ်လို့ ဒေသခံတွေက ပြောပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
- စဉ့်ကူးမြို့နယ်မှာ ဗုံးကြဲတိုက်ခိုက်လို့ တစ်ဦးသေဆုံး၊ လေးဦးဒဏ်ရာရ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ထိုင်း-မြန်မာ နယ်စပ်က ဒုက္ခသည် တစ်သိန်းကျော် အငတ်ဘေးနဲ့ ကြုံနေရ
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်