ကျောက်စိမ်းတူးသူ ၉ ဦး သေဆုံး
2017.02.10
ဖားကန့်မြို့နယ် ဆိပ်မူကျေးရွာအုပ်စု နမ့်မှော်ကျေးရွာအနီးက မင်္ဂလာတော်ဝင် ကျောက်စိမ်းလုပ်ကွက်အနီးမှာ ဖေဖော်ဝါရီလ ၉ ရက်နေ့က ကျောက်တောင်ကမ်းပါးယံပြိုကျမှုကြောင့် မြေပိသေဆုံးသွားသူတဦးရဲ့ ရုပ်အလောင်းကို သယ်ဆောင်လာစဉ်
ကချင်ပြည်နယ် ဖားကန့်မြို့နယ် ဆိပ်မူကျေးရွာအုပ်စု နမ့်မှော်ရွာနားက မင်္ဂလာတော်ဝင် ကျောက်စိမ်းလုပ်ကွက် အနီးမှာ မနေ့ညပိုင်းက ကျောက်တောင်ကမ်းပါးပြိုကျလို့ အဲဒီမှာ ကျောက်စိမ်းတူးဖော်နေသူတွေထဲက ၉ ဦးသေဆုံး ပြီး ၁ ဦး ဒဏ်ရာရရှိခဲ့ပါတယ်။
တနိုင်တပိုင် ရေမဆေးကျောက်တူးဖော်ရေး လုပ်ကိုင်တဲ့ လောပန်း (သူဋ္ဌေး) အပါအဝင် ရေမဆေးကျောက် သမားတွေ ကမ်းပါးပြိုကျလို့ သေဆုံးခဲ့ရတာဖြစ်ကြောင်း ဖားကန့်မြို့နယ် အုပ်ချုပ်ရေးမှူး ဦးကျော်စွာအောင် က ဒီကနေ့ပြောပါတယ်။
သေဆုံးသူတွေ နဲ့ ဒါဏ်ရာရသူ ကို ဖားကန့်မြို့နယ် ဆေးရုံကို လူမှုကူညီရေးအဖွဲ့တွေက သယ်ယူပို့ဆောင် ထားပါတယ်။
ဖားကန့်ကျောက်စိမ်းတွင်းဒေသမှာ ကျောက်ကြောတောင်ကမ်းပါးယံတွေ နဲ့ စွန့်ပစ်မြေစာပုံပြိုကျမှုတွေကြောင့် လူတွေမကြာခဏ ပျောက်ဆုံး၊ သေဆုံးနေရပါတယ်။
ပြီးခဲ့တဲ့ ၂၀၁၅ ခုနှစ်အတွင်း စွန့်ပစ်မြေစာပုံပြိုကျလို့ လူအယောက် တစ်ရာကျော်သေဆုံးခဲ့ပါတယ်။
ဖားကန့်ကျောက်စိမ်းတွင်းဒေသမှာ တစ်နိုင်ငံလုံးက လာရောက်ရွှေ့ပြောင်းလုပ်ကိုင်နေကြသူတွေဟာ ခန့်မှန်းခြေအားဖြင့် လူဦးရေ နှစ်သိန်းဝန်းကျင်ရှိပါတယ်။
ဖတ်ရှုသူအများဆုံး သတင်းများ။
သတင်းများ
