ကျောက်မီးသွေးကနေ လျှပ်စစ်ထုတ်ရင် ထုတ်လုပ်စရိတ် သက်သာနိုင်ကြောင်း ရန်ကုန်တိုင်း ဝန်ကြီးချုပ် ပြော

ဒါ့အပြင် စက်မှုဇုန်တွေမှာ ကျူးကျော်နေထိုင်သူတွေကို နှစ်သုံးဆယ် ချေးငွေ ချပေးပြီး အိမ်ယာ စီမံ ကိန်းတွေ ဖော်ဆောင်ပေးဖို့ အစီအစဉ် အောင်မြင်ဖို့ နီးစပ်နေပြီဖြစ်ကြောင်း ဧပြီလကုန်ပိုင်းမှာ အိမ်ယာစီမံကိန်းတွေကို စတင်အကောင်အထည်ဖော်ဆောင်ရွက်သွားဖို့အတွက် ရန်ကုန်တိုင်း ဒေသကြီး အစိုးရအဖွဲ့က ငွေကျပ် ၆၄ ဘီလီယံ သုံးစွဲဖို့ လျာထားကြောင်းလည်း ပြောခဲ့ပါတယ်။

ဧပြီလ ၁ ရက်နေ့ကစပြီး ရန်ကုန်တိုင်းဒေသကြီးအတွင်းမှာ ရှိတဲ့ တံတား ၉ စင်းမှာ တံတားဖြတ်သန်း ခ ကောက်ခံတာတွေ မလုပ်တော့ဘဲ ကုန်တင်ကားတွေ အနေနဲ့ အာဆီယံ စံချိန်စံညွှန်းနဲ့ မကိုက်ညီဘဲ တန်ချိန်အပို တင်တာတွေကို ထိရောက်စွာ အရေးယူသွားမယ်လို့လည်း ပြောကြားခဲ့ပါတယ်။

ဒီနေ့ တေ့ွဆုံပွဲမှာ ဒုတိယသမ္မတ ၁ ဦးမြင့်ဆွေ၊ စီမံကိန်းနဲ့ ဘဏ္ဍာရေး ဝန်ကြီးဌာန ပြည်ထောင်စုဝန်ကြီး ဦးကျော် ဝင်း၊ စိုက်ပျိုးရေးနဲ့ မွေးမြူးရေး ဝန်ကြီးဌာန ပြည်ထောင်စုဝန်ကြီး ဦးအောင်သူ၊ သယံဇာတနဲ့ သဘာဝပတ်ဝန်းကျင် ထိန်းသိမ်းရေး ဝန်ကြီးဌာန ပြည်ထောင်စု ဝန်ကြီး ဦးအုန်းဝင်းနဲ့ ကုန်သည်များနဲ့ စက်မှု လက်မှုလုပ်ငန်းရှင်များ အသင်းချုပ် UMFCCI က တာဝန်ရှိသူတွေ၊ စီးပွားရေး လုပ်ငန်းရှင်တွေ တက်ရောက်ခဲ့ကြပါတယ်။