နိုင်ငံရေး အကျဉ်းသားဟောင်း ဦးခင်မောင်မြင့် အမှတ်ရပွဲများ ကျင်းပ
2013.02.16
ဦးခင်မောင်မြင့်ဟာ ဂျပန်တော်လှန်ရေးမှာ သခင်စိုး၊ ဗိုလ်ချုပ်နေဝင်းတို့ရဲ့ စစ်တိုင်းမှာ ဆက်သားအဖြစ် တာဝန်ထမ်းဆောင်ခဲ့ပါတယ်။ ၁၉၆၃ ခုနှစ် ငြိမ်းချမ်းရေး ဆွေးနွေးပွဲအပျက်မှာ အဖမ်းခံရပြီး ၁၉၆၉မှာ ကိုကိုးကျွန်းကို အပို့ခံရပါတယ်။
ဒီ့နောက် ၁၉၇၈ ခုနှစ် ၊ ၁၉၈၃ ခုနှစ်တို့နဲ့ ၁၉၈၉ ခုနှစ် နဝတအစိုးရ လက်ထက်မှာ ၃ ခါ ထပ်ပြီး အဖမ်းခံရပါတယ်။ ၁၉၈၉ ခုမှာ စစ်ခုံရုံးက ထောင်ဒဏ်နှစ်(၂၀)ချခံခဲ့ရာ ၁၉၉၃ ဖေဖော်ဝါရီလ (၁၆)ရက်နေ့မှာ အင်းစိန်အကျဉ်းထောင်ထဲမှာ ကျဆုံးသွားခဲ့တာဖြစ်ပါတယ်။
ဒီအခမ်းအနားမှာ ဦးခင်မောင်မြင့် အပါအဝင် အကျဉ်းထောင်တွေထဲမှာ ကျဆုံးသွားကြသူတွေကို ဂါရဝပြုခဲ့ကြပြီး မြန်မာနိုင်ငံ စာရေးဆရာများသမဂ္ဂ(မန္တလေး)၊ ဗကသများအဖွဲ့ချုပ်(အထက်ဗမာပြည်)တို့ရဲ့ သဝဏ်လွှာတွေ ဖတ်ကြားခဲ့ကြပါတယ်။ ဒီပွဲကို ပါတီဟောင်းအဖွဲ့ဝင်တွေနဲ့ အဖွဲ့အစည်းအသီးသီးက ကိုယ်စားလှယ် (၁၀၀) ကျော်လောက် တက်ရောက်ခဲ့ပါတယ်။
အလားတူ အခမ်းအနားတရပ်ကို ရန်ကုန်မြို့မှာလဲ ကျင်းပခဲ့ကြပြီး သတင်းစာဆရာကြီး NLD ဦးဝင်းတင်နဲ့ ၈၈မျိုးဆက်ကျောင်းသားတွေအပါအဝင် နိုင်ငံရေးအကျဉ်းသားဟောင်းတွေ ပါဝင်တက်ရောက်ခဲ့တယ်လို့ သိရပါတယ်.
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- KNA ခေါင်းဆောင် စောချစ်သူ နဲ့ သားနှစ်ဦးကို အမေရိကန် ပိတ်ဆို့အရေးယူ
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်