တပ်သိမ်းမြေ ပြန်စွန့်လွှတ်ပေး ဖို့ တောင်းဆို

အဲဒီစားကျက်မြေဧက ၁၁၀ ကို အမှတ်-၉၀၈၊ စစ်မြေပြင်အင်ဂျင်နီယာတပ်ရင်းက ၁၉၉၉ ခုနှစ်မှာ တပ်ပိုင်မြေအဖြစ် သိမ်းဆည်းခဲ့တာဖြစ်ပြီး ၂၀၀၂ ခုနှစ်ကနေ ၂၀၁၂ ခုနှစ်အထိ လယ်တစ်ဧကကို စပါး ၁၂ တင်းနှုန်းနဲ့ တောင်သူတွေ ကို ၁၀ နှစ်ကြာ ပြန်လည်သီးစားချထားပေးခဲ့တယ်လို့ သိရပါတယ်။

၂၀၁၂ ခုနှစ်ကနေ ပြီးခဲ့တဲ့ ၂၀၁၆ ခုနှစ်အထိ ပလပ်မြေအဖြစ် ထားရှိခဲ့ရာကနေ ပြီးခဲ့တဲ့ ဧပြီလအတွင်းက အမှတ်-၉၀၈ ၊ စစ်မြေပြင်အင်ဂျင်နီယာတပ်ရင်း က တောင်သူတွေကို ပြန်လည်သီးစားချထားပေမယ်လို့ လာရောက်ပြောဆိုခဲ့တာဖြစ်တယ်လို့လည်း တောင်သူတွေကပြောပါတယ်။

တပ်မတော်က စားကျက်မြေကို လယ်ယာမြေအဖြစ် အသုံးပြုခဲ့ကြတာကြောင့် ကျွဲ၊နွားတွေ ထိန်းကျောင်းဖို့အတွက် အခက်အခဲဖြစ်ခဲ့ရတယ် လို့လည်း ပြောပါတယ်။

တောင်သူတွေရဲ့ တောင်းဆိုစာကို နိုင်ငံတော်သမ္မတ၊ ဗိုလ်ချုပ်မှူးကြီးမင်းအောင်လှိုင်နဲ့ နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် တို့ထံကိုလည်း ပေးပို့ထားတယ်လို့ သိရပါတယ်။