စုံစမ်းရေးကော်မရှင် အတွင်းရေးမှူး စစ်တွေမြို့မိ၊ မြို့ဖတွေနဲ့ တွေ့ဆုံ
2013.02.15
ရခိုင်ပဋိပက္ခ စုံစမ်းရေးကော်မရှင် အတွင်းရေးမှူး ဒေါက်တာ ကျော်ရင်လှိုင်ဟာ ဖေဖော်ဝါရီလ ၁၅ ရက်နေ့က စစ်တွေမြို့တွင် နှစ်ဖက်စလုံးက ရပ်မိရပ်ဖ ကိုယ်စားလှယ်တွေနဲ့ သီးသန့်တွေ့ဆုံဆွေးနွေးခဲ့စဉ်
စုံစမ်းရေးကော်မရှင ်အတွင်းရေးမှူးက ရခိုင်နဲ့ မူစလင်တွေအကြား နှစ်ဖက် ခံစားချက်တွေ သဘောထားတွေနဲ့ ပတ်သက်ပြီး ကိုယ်စားလှယ် တစ်ဦးချင်းကို သီးခြားတွေ့ဆုံ မေးမြန်းခဲ့တယ်လို့ စစ်တွေမြို့ခံတစ်ဦးဖြစ်တဲ့ ဦးမြင့်ဦးက RFA ကို ပြောပါတယ်။
"အနေအထားက ဘယ်လိုရှိနေကြလဲ၊ ဆက်ပြီး ဘယ်လိုသွားကြမလဲ၊ အဲဒီကိစ္စတွေနဲ့ပတ်သက်ပြီးတော့ ဒီနှစ်ဘက်စလုံးက ပြောတဲ့စကားတွေကို သူကလျှို့ဝှက်ထားပြီးတော့ သူ့အနေနဲ့ ကော်မတီမှာ ထပ်ပြီးတော့ တင်ပြမယ့် အနေအထားရှိပါတယ်"
အဲဒီ ဆွေးနွေးပွဲကို ရခိုင်လူမျိုးတွေဖက်က ကိုယ်စားလှယ် ၁၅ ဦးခန့်နဲ့ မူဆလင်တွေဘက်က ကိုယ်စားလှယ် ၁၅ ဦး တက်ရောက်ခဲ့ကြတယ်လို့ သိရပါတယ်။
စုံစမ်းရေး ကော်မရှင်အနေနဲ့ ရခိုင်ပြည်နယ်အတွင်း ဖြစ်ပွားခဲ့တဲ့ ပဋိပက္ခတွေရဲ့အကြောင်းရင်းတွေကို စုံစမ်းစစ်ဆေးနေရာမှာ အစီရင်ခံစာတင်နိုင်မယ့် အဆင့်အထိ လုပ်ဆောင်စရာ အများအပြား ကျန်ရှိနေသေးတယ်လို့လည်း ကော်မရှင်အတွင်းရေးမှူး ဒေါက်တာကျော်ရင်လှိုင်က ပြောပါတယ်။
ဒီအတောအတွင်း ရခိုင်ပဋိပက္ခစုံစမ်းရေးကော်မရှင်က ၁၅ ဦးပါဝင်တဲ့ သုတေသနအဖွဲ့တစ်ဖွဲ့ဟာ ပြီးခဲ့တဲ့ ဖေဖော်ဝါရီလ ၁၃ ရက်နေ့က ရခိုင်ပြည်နယ်ကို ရောက်ရှိလာပြီး ပဋိပက္ခဖြစ်ပွားခဲ့တဲ့ မြို့နယ်တွေကို ကွင်းဆင်းလေ့လာနေတယ်လို့ သိရပါတယ်။
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- KNA ခေါင်းဆောင် စောချစ်သူ နဲ့ သားနှစ်ဦးကို အမေရိကန် ပိတ်ဆို့အရေးယူ
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်