ရခိုင်မှာ ဒုက္ခသည်စခန်း ၃ ခု စတင်ပိတ်သိမ်း

စတင်ပိတ်သိမ်းနေတဲ့ စခန်း သုံးခုကတော့ ကျောက်ဖြူမှာရှိတဲ့ ရခိုင်တိုင်းရင်းသားစခန်း၊ စစ်တွေမှာရှိတဲ့ ရိုဟင်ဂျာ မွတ်စလင် စခန်းနဲ့ ကမန်တိုင်းရင်းသား အများစုရှိတဲ့ ရမ်းဗြဲကျွန်းက စခန်းတွေဖြစ်တယ်လို့ အမျိုးသားလုံခြုံရေး အကြံပေး ဦးသောင်းထွန်းက ပြောပါတယ်။ အကြီးဆုံးစခန်းက မွတ်စလင်စခန်းဖြစ်ပြီး အိမ်ခြေနှစ်ရာကျော် ရှိတယ်လို့ ဆိုပါတယ်။

ကိုဖီအာနန် စုံစမ်းရေးကော်မရှင်ရဲ့ အကြံပြုချက်အရ စခန်းသုံးခုကို စတင်ပိတ်သိမ်းနေပြီဖြစ်ပေမယ့် ရွှေ့ပြောင်း ရသူအားလုံးကို ဘယ်မှာနေရာချထားမယ်ဆိုတာတော့ လောလောဆယ် မသိရသေးဘူးလို့ သတင်းမှာ ဖော်ပြပါတယ်။