ရခိုင်က မြို့ဝင်ကြေးကောက်တဲ့ ဂိတ်တွေ ဖျက်သိမ်းမည်

ပြီးခဲ့တဲ့နှစ်က ပြည်ထောင်စုအစိုးရ လမ်းပန်းဆက်သွယ်ရေးဝန်ကြီးဌာနရဲ့ အမိန့်နဲ့ ရခိုင်ပြည်နယ် အတွင်းက လမ်းအသုံးပြုခကောက်ခံတဲ့ ဂိတ်တွေကို ဖျက်သိမ်းခဲ့ပြီး အခု ဒုတိယခြေလှမ်းအဖြစ် ရခိုင်ပြည်နယ်အစိုးရရဲ့ အစီအစဉ်နဲ့ မြို့ဝင်ကြေးကောက်ခံတဲ့ လုပ်ငန်းလိုင်စင်တွေကို ဖျက်သိမ်းတာဖြစ်တယ် လို့လည်း ပြောပါတယ်။

၂၀၁၇-၂၀၁၈ ဘဏ္ဍာရေးနှစ်အတွက် စစ်တွေ၊ ပုဏ္ဏားကျွန်း၊ ဘူးသီးတောင်၊ ကျောက်တော်၊ မြောက်ဦး၊ မင်းပြား၊ ပေါက်တော၊ ကျောက်ဖြူ၊ ဂွ၊ တောင်ကုတ်၊ သံတွဲ၊ အမ်း၊ မအီ စတဲ့ မြို့နယ်တွေမှာ ဆောင်ရွက်နေတဲ့ မြို့ဝင်ကြေးလုပ်ငန်းလိုင်စင် စုစုပေါင်း ၁၉ ကို လေလံကြေး ကျပ်သိန်း ၉၄၀ ကျော်နဲ့ ခွင့်ပြုထားခဲ့တာ ဖြစ်ပါတယ်။

ဖျက်သိမ်းတော့မယ့် လုပ်ငန်းလိုင်စင်ကြေးနဲ့ ဒေသဖွံဖြိုးရေးအတွက် လျာထားတဲ့လုပ်ငန်းတွေကိုတော့ ပြည်နယ် အစိုးရ ရန်ပုံငွေနဲ့ ဖြည့်စွက်ဆောင်ရွက်မှာဖြစ်ပြီး နောက်နှစ်တွေမှာလည်း စည်ပင်သာယာရေးလိုင်စင် C အချို့ကို ဖျက်သိမ်းသွားမှာဖြစ်တယ်လို့ ဝန်ကြီး ဦးမင်းအောင်ကပြောပါတယ်။