လူကုန်ကူးခံရသူ မြန်မာ ၂၇ ဦးကို မလေးရှားရဲတပ်ဖွဲ့ ကယ်တင်

မလေးရှားနိုင်ငံမှာ လူကုန်ကူးခံရသူ မြန်မာနိုင်ငံသား ၂၇ ယောက်ကို ကယ်တင်လိုက်ကြောင်း မလေးရှားရဲတပ်ဖွဲ့ က ပြောပါတယ်။

အဲ့ဒီ ၂၇ ယောက်ထဲမှာ ကလေး နှစ်ယောက်ပါဝင်တယ်လို့ သိရပါတယ်။

အင်္ဂါနေ့ည ၁၁ နာရီကနေ ဗုဒ္ဓဟူးနေ့မနက် ၁၁ နာရီအထိ မလေးရှားနဲ့ ထိုင်းနယ်စပ်မှာ စစ်ဆင်ရေးအဖြစ်နဲ့ ရှာဖွေစစ်ဆေးခဲ့ရာမှာ အိမ်တစ်အိမ်အတွင်းမှာ လူမှောင်ခိုကူးခံရသူတွေလို့ ယူဆရသူ ၂၇ ယောက်ကို တွေ့ရှိခဲ့ ရကြောင်း၊ အားလုံး မြန်မာနိုင်ငံသားတွေ ဖြစ်ကြပြီး၊ အမျိုးသား ၂၂ ဦး၊ အမျိုးသမီး ၃ ဦးနဲ့ ကလေး ၂ ဦး ပါဝင်ကြောင်း ရဲက ပြောပါတယ်။ အားလုံး အသက် ၃ နှစ်ကနေ ၅၅ နှစ်အထိ ပါဝင်တယ်လို့လည်း ပြောပါတယ်။