ဘင်္ဂလားဒေ့ရှ်မှာ ရိုဟင်ဂျာ နဲ့ နိုင်ငံသားတွေ လက်ထပ်မှု တားမြစ်


2014.07.10
rohingya_family_305px.jpg ဘင်္ဂလားဒေ့ရှ် ဒုက္ခသည်စခန်းမှာ ခိုလှုံနေသော ရိုဟင်ဂျာ မိသားစုတစ်စုကို တွေ့ရစဉ်
Photo: AFP

ဘင်္ဂလားဒေ့ရှ်နိုင်ငံမှာ မြန်မာနိုင်ငံဘက်က တရားမဝင် ခိုးဝင်လာသူ ရိုဟင်ဂျာတွေနဲ့ နိုင်ငံသားတွေကို လက်ထပ် ထိမ်းမြားမပေးဖို့ တရားရုံးတွေကို ဘင်္ဂလားဒေ့ရှ် အစိုးရ က ကြာသပတေးနေ့က ညွှန်ကြားချက် ထုတ်ပြန် လိုက်ကြောင်း AFP သတင်းကဖေါ်ပြပါတယ်။

နိုင်ငံတွင်းကိုတရားမဝင်ရောက်ရှိလာကြသူ ရိုဟင်ဂျာတွေ ဟာ နိုင်ငံသားတွေနဲ့ လက်ထပ်ပြီးတာနဲ့ နိုင်ငံသား အခွင့် အရေးတွေတောင်းဆိုလာကြတယ်လို့ ဘင်္ဂလားဒေ့ရှ် တရားရေးဝန်ကြီးက ပြောပါတယ်။

ဘင်္ဂလားဒေ့ရှ်မှာ နိုင်ငံသားတစ်ဦး နဲ့ ထိမ်းမြားလက်ထပ် သူဟာ အလိုအလျောက် နိုင်ငံသားဖြစ်သွား တာကြောင့်၊ သူတို့ ဟာ လက်ထပ်စာချုပ်ကိုကိုင်ပြီး နိုင်ငံကူးလက်မှတ် အပါအဝင် တခြား အထောက်အထား တွေရဖို့ ကြိုးစား ကြတော့တာ ပဲလို့လည်း ပြောပါတယ်။

ဒါ့အပြင် အခုညွှန်ကြားချက်ကိုမလိုက်နာတဲ့ လက်ထပ်ထိမ်းမြားမှု မှတ်ပုံတင်ဌာနတွေကို အရေးယူမယ်လို့ လည်း သတိပေးလိုက်ပါတယ်။

ဘင်္ဂလားဒေ့ရှ်မှာ ရိုဟင်ဂျာ ခေါ် အစ္စလာမ်ဘာသာဝင်ပေါင်း သုံးသိန်းဝန်းကျင်ရှိတယ်လို့ AFP သတင်းက ဖေါ်ပြ ပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။