ဒုက္ခသည်တွေ ဘင်္ဂလားဒေ့ရှ်ကြားဖြတ်အစိုးရကူညီမယ့်ကတိ နော်ဝေဒုက္ခသည်ကောင်စီ ကြိုဆို
2024.08.22
ဘင်္ဂလားဒေ့ရှ်နိုင်ငံ ကော့ဘဇား ဒုက္ခသည်စခန်းတွင် နေထိုင်သည့် ရိုဟင်ဂျာများအား ၂၀၂၄ ခုနှစ် မေလ ၂၄ ရက်နေ့က တွေ့ရစဉ်။
Photo: AFP
ဘင်္ဂလားဒေ့ရှ်နိုင်ငံ ကော့ဘဇားမှာ လောလောဆယ်ခိုလှုံနေကြတဲ့ ရိုဟင်ဂျာဒုက္ခသည် တစ်သန်းကျော်ကို ကြားဖြတ်အစိုးရက ဆက်လက်ထောက်ပံ့မယ်ဆိုတဲ့ ကတိကို ကြိုဆိုပါကြောင်း ဘင်္ဂလားဒေ့ရှ်နိုင်ငံဆိုင်ရာ နော်ဝေဒုက္ခသည်ကောင်စီ ညွှန်ကြားရေးမှူး Wendy MaCance က သြဂုတ် ၂၂ ရက်မှာ ပြောကြားလိုက်ပါတယ်။
ရိုဟင်ဂျာ လူသားချင်းစာနာရေးဆိုင်ရာပြဿနာ ဖြစ်ပွားတဲ့ ၇ နှစ်ပြည့်မြောက်ခါနီး ထုတ်ပြန်တဲ့ ကြေညာချက်မှာ ဖော်ပြထားတာပါ။
ဒုက္ခသည်တွေအခွင့်အရေး အားဖြည့်ပေးပြီး ကာကွယ်နိုင်အောင် ဘင်္ဂလားဒေ့ရှ်ကြားဖြတ်အစိုးရအနေနဲ့ ဒုက္ခသည်များဆိုင်ရာ ကွန်ဗင်းရှင်းမှာ ပါဝင်လက်မှတ်ရေးထိုးဖို့လည်း တိုက်တွန်းပါတယ်။
၂၀၁၇ မှာ ရိုဟင်ဂျာ ခုနစ်သိန်း နေရပ်ရွှေ့ပြောင်းခဲ့ရပြီး ခုလည်း မြန်မာနိုင်ငံမှာ တိုက်ပွဲတွေဖြစ်ပွားနေတာနဲ့အမျှ မြန်မာ - ဘင်္ဂလားဒေ့ရှ်နယ်စပ် အခြေအနေဟာ အထူးစိုးရိမ်နေရတယ်လို့ ပြောပါတယ်။
ဘင်္ဂလားဒေ့ရှ်နယ်စပ်နားမှာ နေရပ်ရွှေ့ပြောင်းရသူတွေ ဘေးကင်းလုံခြုံရာ ရှာဖွေနေကြတဲ့သတင်းတွေ ရရှိတယ်လို့လည်း ဆိုပါတယ်။ ဒါကြောင့် ပဋိပက္ခကြောင့် ထွက်ပြေးလာရသူတွေကို လူသားချင်းစာနာရေး အကူအညီ အရောက်ပို့ဆောင်ခွင့်ပေးဖို့လည်း ကြားဖြတ်အစိုးရကို တိုက်တွန်းပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
- စဉ့်ကူးမြို့နယ်မှာ ဗုံးကြဲတိုက်ခိုက်လို့ တစ်ဦးသေဆုံး၊ လေးဦးဒဏ်ရာရ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ထိုင်း-မြန်မာ နယ်စပ်က ဒုက္ခသည် တစ်သိန်းကျော် အငတ်ဘေးနဲ့ ကြုံနေရ
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်