ရွှေကျင်မြို့နယ်က အိမ်အလုံး ၄ဝ ဖယ်ခိုင်း

"ကျနော်တို့ကို မလွတ်ဘူးဆိုပြီးတော့ သူတို့က ဖယ်ခိုင်းတာပေါ့နော်။ သူတို့က ဘယ်လိုလည်းဆိုလို့ရှိ ရင်တော့ မလွတ်လို့ရှိရင် ဘူဒိုဇာကားနဲ့ ထိုးချမယ်ပေါ့။ ဒီမြေတွေကလည်း ကျနော်တို့နေတာ ၁၅ နှစ် အနှစ် ၂၀ ဆယ်လောက်ရှိပြီ၊ အိုးအိမ်ဆောက်ပြီးတော့နေကြတာ။ အစကတည်းက သူတို့ပိုင်ဆိုင်တယ် ဆိုလို့ရှိရင်ပေါ့လေ နေရာတွေကို သူတို့ ပိတ်ပင်ထားပါ။ ဒီနေရာမဆောက်ရဘူး သူတို့လုပ်ထားပါလား။ အိုးကြီးအိမ်ကြီးတွေဖြစ်ပြီးမှ ဖျက်ရမယ်ဆိုတာ ဒါကတော့ သဘာဝလည်း မကျဘူး၊ နည်းလမ်းလည်း မကျဘူးပေါ့နော်။ သူတို့ပိုင်တယ် ဘယ်သူ့ကိုပဲတိုင်တိုင် သူတို့ကတော့ ဂရုမစိုက်ဘူး လုပ်မယ်ဆိုတဲ့ ပုံစံမျိုးနဲ့ လုပ်နေတယ်။"

အခုနေအိမ်တွေကို ဖယ်ရှားခိုင်းတဲ့ ရွှေလုပ်ငန်းရှင် ၂ ယောက်ဟာ ဒီနှစ်မှာမှ ကန့်နီကျေးရွာက ရွှေလုပ်ကွက် မှာ ရွှေတူးဖော်ခွင့်ရရှိတာဖြစ်ပြီး သူတို့ရဲ့ ရွှေတူးဖော်တဲ့ လုပ်ကွက်တွေမှာ မြေကြီး စွန့်ပစ်တာတွေလည်း ရှိနေတယ်လို့ ပြောပါတယ်။

အခုဖယ်ရှားခိုင်းတဲ့ အိမ်တွေဟာ ဈေးဆိုင်ရောင်းချနေတဲ့ အိမ်တွေ အများဆုံးပါဝင်တယ်လို့ သိရပါတယ်။

ရွှေကျင်းမြို့နယ်မှာရှိတဲ့ ကန့်နီကျေးရွာအပါအဝင် ကျားသစ်မြှောင်၊ ကူပိုတာ၊ ပိန်ပိန်၊ တောက်တဲကြီး၊ တောက် တဲလေ စတဲ့ကျေးရွာတွေမှာ ရွှေသတ္တုတူးဖော်လုပ်ငန်းတွေ အများဆုံး ရှိပါတယ်။