မန္တလေး တောင်သာမှာ မိသားစုဝင် ခြောက်ဦး ဖမ်းဆီးခံရ
တရားဥပဒေစိုးမိုးရေးနဲ့ အဂတိလိုက်စားမှုပပျောက်ရေးအတွက် တောင်သာဒေသခံတွေ ၂၀၁၈ ဇူလိုင်လ ၂၄ ရက်နေ့က ဆန္ဒပြခဲ့စဉ်
Photo: CJ
မန္တလေးတိုင်း တောင်သာမြို့နယ် ခြုံကြီးကျေးရွာမှာ နိုဝင်ဘာလ ၉ ရက် ဒီနေ့မနက်က လူငယ်တစ်ဦးဖြစ်တဲ့ ကိုဝေဖြိုးကို ဖမ်းဆီးဖို့ စစ်တပ်နဲ့ရဲက နေအိမ်ကိုလာရောက်ပြီးနောက် ရှာမတွေ့တဲ့အတွက် သူ့ရဲ့ မိသားစုဝင် ခြောက်ဦးကို ဖမ်းဆီးသွားတယ်လို့ ဒေသခံတွေက RFA ကို ပြောပါတယ်။
ဒီနေ့မနက် ၄ နာရီလောက်က အိမ်ကိုလာရောက်ဖမ်းဆီးဖို့ ကြိုးစားရာမှာ ကိုဝေဖြိုးကို မတွေ့တဲ့အတွက် သူ့ရဲ့ မိသားစုဝင် ခြောက်ဦးကို ဖမ်းဆီးသွားတာလို့ လုံခြုံရေးအရ အမည်မဖော်လိုတဲ့ ဒေသခံတစ်ဦးက ပြောပါ တယ်။
“ကိုဝေဖြိုးကို လာဖမ်းတာ။ ဖမ်းရတဲ့အကြောင်းက သူ့ကိုရွာမှာ မတွေ့တာကြာနေလို့တဲ့။ ဒလန်က သတင်း ပေးလို့ပေါ့။ တကယ်တော့ ကိုဝေဖြိုးက ရန်ကုန်မှာ အလုပ်လုပ်နေတာပါ။ အဲဒါကို လာဖမ်းတာ ။ သူမတွေ့ တော့ မိသားစုဝင်အားလုံး ကိုဖမ်းသွားတာ။ အဲဒါအပြင် အိမ်က ပစ္စည်းတွေပါ သယ်သွားကြတယ်။ ဘယ် ခေါ်သွားလဲတော့ မသိဘူး”
ကိုဝေဖြိုးကို ဘာကြောင့် ဖမ်းဆီးဖို့ကြိုးစားတယ်ဆိုတာကိုတော့ RFA အနေနဲ့ ရှင်းရှင်းလင်းလင်း မသိရသေး ပါဘူး။
ခြုံကြီးရွာမှာ ပြီးခဲ့တဲ့ ရက်ပိုင်းကလည်း သားဖြစ်သူကို မတွေ့လို့ ဖခင်နဲ့ အစ်ကိုဖြစ်သူကို ရဲက ဖမ်းဆီးသွာတဲ့ ဖြစ်စဉ်တစ်ခု ရှိခဲ့တယ်လို့ ဒေသခံတွေက ပြောပါတယ်။
ခြုံကြီးရွာဟာ တောင်သာမြို့နဲ့ ခြောက်မိုင်ခန့်ဝေးပြီး စစ်ကောင်စီကို ဆန့်ကျင်နေတဲ့ ကျေးရွာတစ်ခုဖြစ်တယ် လို့ ဒေသခံတွေက ပြောပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- ထိုင်း-မြန်မာ နယ်စပ်က ဒုက္ခသည် တစ်သိန်းကျော် အငတ်ဘေးနဲ့ ကြုံနေရ
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်