တန်းတူညီမျှ အခွင့်ရဖို့ တိုင်းရင်းသားတွေ တောင်းဆို
2016.07.22
ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ပါတီ အထွေထွေအတွင်းရေးမှူး ဦးစိုင်းညွန့်လွင် ကို တွေ့ရစဉ်
တန်းတူညီမျှတဲ့ပြည်ထောင်စု၊ အခွင့်အရေးတူတဲ့ပြည်ထောင်စု၊ အာဏာတူတဲ့ပြည်ထောင်စုဖြစ်လာဖို့ လာမယ့် ၂၁ ရာစု ပင်လုံညီလာခံက လုပ်ဆောင်ရမယ်လို့ ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ပါတီ အထွေထွေ အတွင်းရေးမှူး ဦးစိုင်းညွန့်လွင် က ပြောပါတယ်။
ဒီကနေ့ ရန်ကုန်မြို့ အင်းလျားလိတ်ဟိုတယ်မှာ ၂၁ ပင်လုံ ညီလာခံမှာတင်ပြမယ့် မှုဝါဒတွေနဲ့ ပတ်သက်ပြီး UNA အဖွဲ့ဝင်တွေ အစည်းအဝေးကျင်းပတဲ့ပွဲမှာ RFA က တွေ့ဆုံမေးမြန်းစဉ် ဦးစိုင်းညွန့်လွင် က ပြောတာဖြစ်ပါတယ်။
UNA အဖွဲ့ဝင်တွေအနေနဲ့ ပညာရေး၊ ကျန်းမာရေး၊ သဘာဝပတ်ဝန်းကျင် စတဲ့ မူဝါဒ ၉ ခုကို ဇူလိုင်လ ၂၁ ရက်နေ့ကနေ ၂၂ ရက်နေ့အထိ ၂ ရက်ကြာ ဆွေးနွေးခဲ့တာဖြစ်ပြီး လာမယ့်၂၁ ရာစုပင်လုံညီလာခံမှာ တင်သွင်းသွားမယ်လို့လည်း ပြောပါတယ်။
ဒါ့အပြင် လာမယ့် ဇူလိုင်လ ၂၆ ရက်မှာ ကေအိုင်အို ထိန်းချုပ်နယ်မြေဖြစ်တဲ့ ကချင်ပြည်နယ် မိုင်ဂျာယန်မှာ ကျင်းပမယ့် တိုင်းရင်းသား လက်နက်ကိုင်အဖွဲ့တွေရဲ့ ညီလာခံကိုလည်း UNA ကိုယ်စားလှယ်တွေ တက်ရောက်ကြမှာ ဖြစ်ပါတယ်။
ဦးစိုင်းညွှန့်လွင် ကို RFA သတင်းထောက် ကိုမျိုးဇော်ကို တွေ့ဆုံမေးမြန်းထားပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
