ကျန်တဲ့ မဲဆန္ဒနယ် ၈ နေရာထဲမှာ SNLD ၆ နေရာမှာ အနိုင်ရရှိ


2017.04.02
mineshuu-polling-station-620.jpg ရှမ်းပြည်နယ် မိုင်းရှူးမြို့နယ်က မဲရုံတစ်ရုံတွင် မဲရေတွက်နေစဉ်
Photo: Thiha Tun/ RFA

ပြည်ထောင်စုရွေးကောက်ပွဲကော်မရှင်က ထုတ်ပြန်ကြေညာဖို့ ကျန်နေတဲ့ လစ်လပ်နေရာ ၈ နေရာမှာ အနိုင်ရရှိသူ စာရင်းကို ဒီနေ့ညနေမှာ ထုတ်ပြန်ကြေညာ ခဲ့ပါတယ်။

၂၀၁၅ ခုနှစ်တုန်းက ရွေးကောက်ပွဲမကျင်းပနိုင်ခဲ့တဲ့ ကျေးသီးမြို့နယ် နဲ့ မိုင်းရှူးမြို့နယ်က လစ်လပ်နေရာ ၆ ခု စလုံးမှာ ရှမ်းတိုင်းရင်းသားများဒီမိုကရေစီအဖွဲ့ချုပ် SNLD ပါတီက အနိုင်ရရှိခဲ့ပါတယ်။

ရခိုင်ပြည်နယ်က တစ်ခုတည်းသော လစ်လပ်မဲဆန္ဒနယ်ဖြစ်တဲ့ အမ်းမြို့နယ် ပြည်သူ့လွှတ်တော် နေရာမှာ ရခိုင် အမျိုးသားပါတီက ဒေါက်တာအေးမောင်က အနိုင်ရရှိခဲ့တယ်လို့ ကြေညာခဲ့ပါတယ်။

ကျန်တဲ့ ချင်းပြည်နယ် အမျိုးသားလွှတ်တော် မဲဆန္ဒနယ် အမှတ် ၃ နေရာအတွက်ကတော့ အမျိုးသားဒီမိုကရေစီ အဖွဲ့ချုပ် ပါတီက အနိုင်ရရှိခဲ့ကြောင်း သိရပါတယ်။

လစ်လပ်နေရာ ၁၉ နေရာမှာ ကျင်းပခဲ့တဲ့ ကြားဖြတ်ရွေးကောက်ပွဲမှာ NLD က ၉နေရာ၊ SNLD က ၆နေရာ၊ USDP က ၂နေရာ၊ ရခိုင်ပါတီ နဲ့ ကယားပါတီက တစ်နေရာစီ အနိုင်ရရှိခဲ့တာဖြစ်ပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။