သတင်းနှင့် ဆောင်းပါးများ သိုမှီးရေးစနစ်
2021-07-29
မြန်မာနိုင်ငံမှာ ကြုံတွေ့နေရတဲ့ နိုင်ငံရေးနဲ့ ကပ်ရောဂါ အကျပ်အတည်း အခြေအနေတွေနဲ့ ပတ်သက်ပြီး ကုလသမဂ္ဂ လုံခြုံရေးကောင်စီမှာ Arria meeting အလွတ်သဘောဆွေးနွေးပွဲ တစ်ခုကို မနေ့က ကျင်းပခဲ့ရာမှာ၊ စစ်တပ်က အာဏာသိမ်းထားတာ ၆လ ကြာခဲ့ပြီ ဖြစ်ပေမယ် မြန်မာနိုင်ငံမှာ အဖက်ဖက်က ယိုယွင်းကျဆင်းနေတဲ့ အခြေအနေတွေ အပြောင်းအလဲ မရှိတဲ့အတွက် စိတ်ပျက်မိကြောင်း ဒီအစည်းအဝေးကို တက်ရောက်လာသူတွေက ပြောကြားခဲ့ပြီး၊ မြန်မာနိုင်ငံရဲ့ အခြေအနေတွေကို တင်ပြခဲ့ကြပါတယ်။
2021-07-29
လာမယ့်နှစ်ပတ်အတွင်း မြန်မာနိုင်ငံ လူဦးရေရဲ့ ထက်ဝက် ကိုဗစ်-ရောဂါပိုး ကူးစက်ခံရနိုင်ဖွယ်ရှိတယ်လို့ ကုလသမဂ္ဂဆိုင်ရာ ဗြိတိန်သံအမတ်ကြီး Barbara Woodward က သတိပေးပြောကြားလိုက်ပါတယ်။
2021-07-29
လက်ရှိဖြစ်ပွားနေတဲ့ ကိုဗစ်ကပ်ရောဂါ တတိယလှိုင်းအတွင်း မြန်မာပြည်သူတွေဟာ ရောဂါပိုးကူးစက်မှု အဆိုးရွားဆုံး အခြေအနေကို ရင်ဆိုင်ဖြေရှင်းနေကြရပါတယ်။ ဆေးရုံ၊ ဆေးခန်းတွေမှာ လိုအပ်တဲ့ ကျန်းမာရေးစောင့်ရှောက်မှု အပြည့်အဝ မရတဲ့ အပြင် ဆေးကုသစရိတ် အောက်ဆီဂျင်ဘူးစရိတ် သူနာပြုစရိတ်တွေလည်း အဆမတန် မြင့်တက်နေတဲ့အတွက် ပြည်သူတွေ ဒုက္ခရောက်နေကြပါတယ်။
2021-07-29
မန္တလေးတိုင်း မြင်းခြံမြို့က အသက် ၂၅ နှစ်အရွယ် ကိုခန့်သော်ကို ရဲတပ်ဖွဲ့ဝင်တွေ က ဇူလိုင် ၂၈ ရက် မနေ့ည ၈ နာရီခန့်မှာ ဖမ်းဆီးထားတယ်လို့ ကိုခန့်သော်ရဲ့ မိသားစုဝင်က RFA ကို ပြောပါတယ်။
2021-07-29
မြန်မာ့စာပေလောကမှာ ထင်ရှားတဲ့ အသက် ၉၃ နှစ်ရွယ်ရှိ စာရေးဆရာကြီး မင်းယုဝေဟာ ဇူလိုင်လ ၂၉ ရက်နေ့ ဒီကနေ့မှာ ကွယ်လွန်သွားတယ်လို့ သိရပါတယ်။
2021-07-29
၂၀၂၀ ရွေးကောက်ပွဲရလဒ်တွေဟာ မဲစာရင်းမှားယွင်းတာ၊ တရားမဲ့ပြုကျင့်တာ ရှိနိုင်ပေမယ့် တစ်နိုင်ငံလုံး အတိုင်းတာနဲ့ ထွက်လာတဲ့ မဲရလဒ်ဟာ ပြည်သူ့ဆန္ဒကို ကိုယ်စားပြုတယ်လို့ ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) က ဇူလိုင် ၂၈ ရက်နေ့ ညပိုင်းမှာ ထုတ်ပြန် ပြောဆိုလိုက်ပါတယ်။
2021-07-29
စစ်ကိုင်းတိုင်း၊ မင်းကင်းမြို့နယ်၊ တောင်ဖြူရွာမှာ ဇူလိုင်လ ၂၈ ရက် မနေ့မနက်ပိုင်းက စစ်ကောင်စီတပ်၊ ပြည်သူ့စစ် နဲ့ ပျူစောထီးအဖွဲ့တွေရဲ့ ဝိုင်းဝန်းဖမ်းဆီးမှုကြောင့် မင်းကင်း PDF ပြည်သူ့ကာကွယ်ရေးတပ်ဖွဲ့ဝင် ၅၇ ယောက် အဖမ်းခံခဲ့ရတယ်လို့ PDF တပ်ဖွဲ့ဝင်တွေနဲ့ ဒေသခံတွေက ပြောပါတယ်။
2021-07-29
မွန်ပြည်နယ် သထုံမြို့နယ်က ဓာတ်ငွေ့ပိုက်လိုင်းတစ်ခု ဇူလိုင်လ ၂၇ ရက်ညနေက ဖျောက်ခွဲဖျက်ဆီးခံရတာဟာ သူတို့လက်ချက်မဟုတ်ဘူးလို့ ဒေသခံ PDF တပ်ဖွဲ့ဝင် တစ်ဦးက RFA ကို ဒီနေ့ညနေက ပြောပါတယ်။
2021-07-29
တနင်္သာရီတိုင်း ကော့သောင်းမြို့နယ် လန်ပိအဏ္ဏဝါ အမျိုးသားဥယျာဉ်ထဲက မော်ကင်း (ဆလုံတိုင်းရင်းသား) တွေနေတဲ့ မကြုံကလက်ကျေးရွာမှာ စစ်အာဏာသိမ်းမှုကို ဆန့်ကျင်ဆန္ဒပြခဲ့တာနဲ့ ဆက်နွယ်ပြီး ဇူလိုင်လ ၂၈ ရက် ညနေကစလို့ စစ်တပ်နဲ့ရဲက ရွာကိုဝင်ရောက် စစ်ဆေးနေတဲ့အတွက် ရွာသားတစ်ရာကျော် ထွက်ပြေးတိမ်းရှောင် နေကြရတယ်လို့ ရွာသားတွေက RFA ကို ဒီနေ့ပြောပါတယ်။
2021-07-29
ကိုဗစ်ကပ်ရောဂါကာလအတွင်း ရှမ်းတိုင်းရင်းသားလက်နက်ကိုင် အချင်းချင်း တိုက်ပွဲတွေ ရပ်တန့်နိုင်ရေး အကူအညီတောင်းခံလာရင် ကြားဝင်ညှိနှိုင်းပေးဖို့ အဆင်သင့်ရှိတယ်လို့ ၀ တပ်ဖွဲ့က ပြောလိုက်ပါတယ်။ ကာလကြာရှည်ညှိနှိုင်းမှု မပြေလည်သေးတဲ့အချိန်မှာ ဘယ်အဖွဲ့ကမဆို ညှိနှိုင်းရေးကို တရားဝင်ကမ်းလှမ်းလာရင် လက်ခံရမှာဖြစ်တယ်လို့ ရှမ်းလက်နက်ကိုင်နှစ်ဖွဲ့ဘက်က တုံ့ပြန်ကြပါတယ်။
2021-07-29
မြန်မာနိုင်ငံမှာ ဒီနေ့ ဇူလိုင် ၂၉ ရက် နေ့လယ် ၃ နာရီ ၉ မိနစ်မှာ ကန့်ဘလူ မြေငလျင်စခန်းရဲ့ အရှေ့တောင်ဘက် ၄၂ မိုင်အကွာ၊ သပိတ်ကျင်းမြို့ရဲ့ အရှေ့တောင်ဘက် ၅ မိုင်အကွာကို ဗဟိုပြုပြီး အင်အားပြင်း ငလျင်တစ်ခု လှုပ်ခတ်သွားတယ်လို့ မိုးလေဝသနဲ့ ဇလဗေဒညွှန်ကြားမှုဦးစီးဌာနက သတင်းထုတ်ပြန်ပါတယ်။
2021-07-29
စစ်ကိုင်းတိုင်း ခင်ဦးမြို့နယ် ကုန်းကြီးကျေးရွာမှာ အသက် ၄၈ နှစ်အရွယ် ဦးမင်းမော် ဟာ ဇူလိုင်လ ၂၈ ရက် မနေ့ညနေက သတ်ဖြတ်ခံလိုက်ရတယ်လို့ ဒေသခံတွေက RFA ကိုပြောပါတယ်။
2021-07-29
ဇူလိုင် ၂၇ ရက်နေ့က မန္တလေးမြို့ မဟာမြတ်မုနိဘုရားကြီး အရှေ့ဘက်ပေါက်အနီး ပစ်ခတ်ဖြိုခွင်းခံခဲ့ရတဲ့ မြတောင်သပိတ်စစ်ကြောင်းက သေဆုံးသူ မသူသူဇင်ရဲ့ ရုပ်အလောင်းကို စစ်တပ်က အခုချိန်ထိ ပြန်မပေးတဲ့အတွက် ရုပ်အလောင်းမပါဘဲ သက်ပျောက်ဆွမ်းကပ်ခဲ့ရတယ်လို့ မိသားစုနဲ့နီးစပ်သူတွေက RFA ကို ပြောပါတယ်။
2021-07-28
ကိုဗစ်ကပ်ရောဂါကြောင့် အသက်ကယ်အောက်ဆီဂျင်မရဘဲ သေဆုံးသူတွေထဲမှာ နိုင်ငံရေးအကျဉ်းသားဟောင်း ဦးစိုးမြင့်နဲ့ ဦးမိုးကျော်တို့ နှစ်ဦးလည်း ပြီးခဲ့တဲ့ရက်ပိုင်းက ပါဝင်သွားပါတယ်။
2021-07-28
မိုးသည်းထန်စွာ ရွာသွန်းနေတာကြောင့် ရခိုင်ပြည်နယ် မြောက်ဦးမြို့နယ်ထဲက ပီပင်ရင်း စစ်ဘေးဒုက္ခသည်စခန်း ဇူလိုင်လ ၂၈ ရက်နေ့က ရေနစ်မြုပ်နေတယ်လို့ စခန်းတာဝန်ခံ ဦးသိန်းကျော်မြက RFA ကိုပြောပါတယ်။
