သတင်းနှင့် ဆောင်းပါးများ သိုမှီးရေးစနစ်
2017-09-24
ရခိုင်ပြည်နယ်မြောက်ပိုင်းမှာ ဟိန္ဒူဘာသာဝင်တွေကို သတ်ဖြတ်ပြီး အစုလိုက်အပြုံလိုက်မြှုပ်နှံ ထားတာ တွေ့ရှိခဲ့ရတယ်လို့ သတင်းထုတ်ပြန်ရေးကော်မတီက မနေ့ကထုတ်ပြန်ခဲ့ပါတယ်။
2017-09-24
ဘင်္ဂလားဒေ့ရှ်နိုင်ငံက ဒုက္ခသည်စခန်းတွေမှာ ရောက်ရှိလာတဲ့ ရခိုင်ပြည်နယ်က ထွက်ပြေးလာသူ ဒုက္ခသည် အရေအတွက် လေးသိန်းခွဲနီးပါးရှိလာပြီဖြစ်လို့ အမိုးအကာ၊ ရိက္ခာ၊ ကျန်းမာရေး စတာတွေအတွက် နိုင်ငံတကာ အကူအညီ အများအပြားလိုအပ်နေပြီလို့ ကုလသမဂ္ဂဒုက္ခသည်များ ဆိုင်ရာ မဟာမင်းကြီးရုံး အကြီးအကဲ က ပြောပါတယ်။
2017-09-24
ရခိုင်ပြည်နယ်၊ မောင်တောဒေသမှာ အကြမ်းဖက်တိုက်ခိုက်မှုတွေကြောင့် ပျက်စီးဆုံးရံှုးသွားတဲ့ အိမ်ခြေတွေနဲ့ တခြားပျက်စီးမှုတွေကို မနေ့ကစပြီး စာရင်းကောက်ယူနေတယ်လို့ သိရပါတယ်။
2017-09-24
စစ်ကိုင်းတိုင်းဒေသကြီး၊ ဟုမ္မလင်းမြို့နယ်၊ ထိန်ကုန်းကျေးရွာက ရွှေလုပ်ကွက်တစ်ခုမှာ ကမ်းပါးမြေပြို မှုကြောင့် ရွှေတူးဖော်သူ ၃ ဦး သေဆုံးခဲ့ပါတယ်။
2017-09-24
ရှမ်းပြည်နယ်နဲ့ ထိုင်းနယ်စပ်မှာရှိတဲ့ ဒုက္ခသည်စခန်း ၆ ခုက ရှမ်းဒုက္ခသည် ၆၀၀၀ ကျော်ကို လုံခြုံ စိတ်ချရတဲ့အချိန်ရောက်ပြီး နေရပ်ရင်းဒေသကိုပြန်နိုင်တဲ့ အခြေအနေရောက်တဲ့အထိ နိုင်ငံတကာ အလှူရှင်တွေအနေနဲ့ လူသားချင်းစာနာတဲ့ အကူအညီတွေ ဆက်လက် ထောက်ပံ့ပေးဖို့ ရှမ်းပြည် ညီညွတ်ရေးကော်မတီ CSSU အဖွဲ့က ကြေညာချက်ထုတ်ပြန်တောင်းဆိုလိုက်ပါတယ်။
2017-09-24
မစ္စတာကိုဖီအာနန်ဦးဆောင်တဲ့ ရခိုင်ပြည်နယ်ဆိုင်ရာအကြံပေးကော်မရှင်ရဲ့ အစီရင်ခံစာမှာပါတဲ့ ၁၉၈၂ ခုနှစ် မြန်မာနိုင်ငံသားဥပဒေကို ပြင်ဆင်ဖို့ အကြံပြုချက်ကို ကန့်ကွက်ကြောင်း စစ်တွေမြို့မှာ လူ ၂၀၀ ကျော်လောက် ဒီနေ့ ဆန္ဒပြခဲ့ကြပါတယ်။
2017-09-24
ရခိုင်ပြည်နယ်အရေးနဲ့ ပတ်သက်ပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ကိုင်တွယ်ဖြေရှင်းမှု ထောက်ခံပွဲကို ရန်ကုန်မြို့မဟာဗန္ဓုလပန်းခြံရှေ့ မှာ ဒီနေ့ ပြုလုပ်ခဲ့ပါတယ်။
2017-09-24
ရခိုင်ပြည်နယ်၊ စစ်တွေမြို့မှာ ဖွင့်လှစ်ထားတဲ့ ကယ်ဆယ်ရေးစခန်း ၃၀ ကျော်ကနေ နေရပ်ပြန်ကြသူ တစ်ထောင်ကျော် ရှိနေပြီး လက်ရှိ ကယ်ဆယ်ရေးစခန်းတွေ မှာ လူဦးရေ ၅၀၀၀ ကျော် ကျန်ရှိနေသေး တယ်လို့ သိရပါတယ်။
2017-09-24
ဘင်္ဂလားဒေ့ရ်ှနိုင်ငံဘက်ကို ထွက်ပြေးကြတဲ့ မွတ်စလင်ဒုက္ခသည်အမျိုးသမီးတွေထဲက တချို့မှာ အဓမ္မပြုကျင့်ခံရတဲ့ အထောက်အထားတွေ တွေ့ရကြောင်း သူတို့ကို အဓမ္မပြုကျင့်သူတွေဟာ တပ်မတော်သားတချို့ဖြစ်ကြောင်း ပြောဆိုတယ်လို့ ဘင်္ဂလားဒေ့ရ်ှဘက်ကို ထွက်ပြေးကြသူ ဒုက္ခသည်တွေကို အကူအညီပေးနေတဲ့ ကုလသမဂ္ဂကျန်းမာရေးဝန်ထမ်းတွေရဲ့ပြောပြချက်ကို ကိုးကားပြီး ဒီကနေ့ ရိုက်တာသတင်းဌာနက ရေးသားပါတယ်။
2017-09-23
မြန်မာအစိုးရ လုံခြုံရေးတပ်ဖွဲ့တွေက ဘင်္ဂလားဒေ့ရှ် နယ်စပ်တလျှောက်မှာ မြေမြှုပ်မိုင်းတွေ ထောင် ထားတယ်လို့ HRW လူ့အခွင့်အရေးစောင့်ကြည့်ရေးအဖွဲ့က မနေ့က ကြေညာချက် ထုတ်ပြန်ပြီး စွပ်စွဲပြောကြားလိုက်ပါတယ်။
2017-09-23
မြန်မာအစိုးရဟာ နိုင်ငံတွင်းက ထွက်ပြေးနေတဲ့ ရိုဟင်ဂျာမွတ်ဆလင်တွေကို လူမျိုးတုံး ရှင်းလင်းရေး လုပ်နေတယ်ဆိုတာ ထင်ရှားတယ်လို့ နိုင်ငံတကာတရားသူကြီးတွေပါဝင်တဲ့ သမာဓိခုံရုံးအဖွဲ့က သောကြာနေ့က မလေးရှားနိုင်ငံမှာ ပြောဆိုလိုက်ပါတယ်။
2017-09-23
ဗြိတိန်၊ အမေရိကန်၊ ပြင်သစ်၊ အီဂျစ်၊ ကာဇက်စန်၊ ဆီနီဂေါနဲ့ ဆွီဒင် နိုင်ငံတို့က မြန်မာနိုင်ငံ ထဲမှာဖြစ်ပေါ်နေတဲ့ အကြမ်းဖက်မှုတွေနဲ့ပတ်သက်ပြီး ကုလသမဂ္ဂလုံခြုံရေးကောင်စီ အစည်းအဝေးခေါ်ဖို့ တောင်းဆိုလိုက်တယ်လို့ မနေ့ကထုတ်ဝေတဲ့ AFP သတင်းတစ်ပုဒ်မှာ ဖော်ပြထားပါတယ်။
2017-09-23
မြန်မာနိုင်ငံမှာရှိတဲ့ နိုင်ငံတကာသံတမန်တွေကို မောင်တောဒေသကို ပို့ဆောင်ပေးနိုင်ဖို့ စီစဉ်နေကြောင်း၊ မောင်တောဒေသအကြမ်းဖက်မှုမှာ ပါဝင်သူတွေကို အရေးယူနိုင်ရေးအတွက် ဘင်္ဂလားဒေ့ရှ်အစိုးရနဲ့ ညှိနှိုင်းဆောင်ရွက်သွားမှာဖြစ်ကြောင်း နိုင်ငံတော်အတိုင်ပင်ခံရုံးက သတင်းထုတ်ပြန်ပါတယ်။
2017-09-23
၂၀၀၈ ဖွဲ့စည်းပုံ အခြေခံဥပဒေ ဖျက်သိမ်းရေး၊ ကျန်ရှိနေတဲ့ နိုင်ငံရေးအကျဉ်းသားတွေ အမြန်ဆုံးလွှတ်ပေးရေးနဲ့ နိုင်ငံတော် အကြည်အညိုပျက်စေမှု ပုဒ်မ ၅၀၅ (ခ)နဲ့ တရားစွဲဆိုခံထားရတဲ့ ကလေးစစ်သားဟောင်း ကိုအောင်ကိုထွေး လွတ်မြောက်ရေးအတွက် ဒီကနေ့ ရန်ကုန်မြို့ မြို့တော်ခန်းမရှေ့မှာ တစ်ကိုယ်တော် ဆန္ဒထုတ်ဖော်ခဲ့တဲ့ ကိုနေလင်းစိုး(ခေါ်) ကိုဖိုးစနေကို ကျောက်တံတားမြို့နယ် ရဲစခန်းက ငြိမ်းချမ်းစွာစီတန်းလှည့်လည်ခွင့် ဥပဒေ ပုဒ်မ ၁၉ နဲ့ ဆန္ဒထုတ်ဖော်နေချိန်မှာပဲ ဖမ်းဆီးခဲ့ပါတယ်။
2017-09-23
တပ်မတော်နဲ့ တအာင်းအမျိုးသား လွတ်မြောက်ရေး တပ်မတော် (TNLA) တို့ကြား စက်တင်ဘာလ ၁၁ ရက်နေ့ကနေ ၂၁ ရက်နေ့အထိ တိုက်ပွဲ ၁၁ ကြိမ်ဖြစ်ပွားခဲ့ပြီး နှစ်ဘက်ထိခိုက်မှုတွေ ရှိတယ်လို့ TNLA က ဗိုလ်မှူးမိုင်းအိုက်ကျော်က ပြောပါတယ်။
