သခင်သိန်းမောင်၏ မွေးနေ့ပွဲသို့ ဒေါ်အောင်ဆန်းစုကြည်နှင့် ဦးတင်ဦးတက်ရောက်

အခမ်းအနားမှာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က နှုတ်ခွန်းဆက်စကား ပြောကြားခဲ့ပြီး ဆရာကြီး ဒဂုန်တာရာနဲ့ ဆရာကြီး ပါရဂူတို့ကလည်း သူတို့ သိရှိတဲ့ သခင်သိန်းမောင် အကြောင်းတွေကို ပြောဆိုခဲ့ကြတယ်လို့ ရွှေတောင် ဦးအုန်းမောင်က RFA ကို ပြောပြပါတယ်။

“ဒဂုန်တာရာနဲ့ ဆရာ ပါရဂူက ပြောတယ်ပေါ့။ သူကတော့ ဟို ဘာခေါ်မလဲ၊ စာပေသမားအနေနဲ့ ပြောတာပေါ့ဗျာ။ သခင်သိန်းမောင်က အရင်တုန်းက အင်္ဂလိပ်ခေတ်တုန်းက စာအုပ်ဆိုင် ဖွင့်တယ်ပေါ့ဗျာ၊ ရန်ကုန်မှာ။ အဲဒီမှာ ပါရဂူက သူ စာရေးဆရာ ဖြစ်လာရတယ် ဆိုတဲ့အကြောင်းတွေ ပြောတာပါပဲ။ ဒဂုန်တာရာကတော့ ကမ္ဘာ့ ငြိမ်းချမ်းရေးအကြောင်းပေါ့ဗျာ။ သခင်သိန်းမောင်လည်း ဆရာကြီး သခင်ကိုယ်တော်မှိုင်းတို့ ငြိမ်းချမ်းရေး ဗိမာန်အတွက်ကို သခင်သိန်းမောင်တို့က ပြုစုစောင့်ရှောက်ရေး ကော်မတီမှာ ပါတာကိုး။ ဒေါ်အောင်ဆန်းစုကြည်လည်း နည်းနည်း နှုတ်ခွန်းဆက်စကားလေး ဘာလေး ပြောရသေးတယ်။”