လွှတ်ပေးမည့်စာရင်းတွင် ဒေါ်အောင်ဆန်းစုကြည်ပါဖို့ မမျှော်လင့်
2010.10.11
ဒေါ်အောင်ဆန်းစုကြည်၏ ၆၅ နှစ်မြောက် မွေးနေ့ အထိမ်းအမှတ်အဖြစ် ဖိလိပိုင်နိုင်ငံ မနီလာမြို့ရှိ မြန်မာစစ်အစိုးရ သံရုံးရှေ့တွင် ဇွန်လ ၁၈ ရက်နေ့က သံတိုင်နောက်မှ ဒေါ်အောင်ဆန်းစုကြည် ဓာတ်ပုံပိုစတာ ကိုင်ဆောင်ကာ မြန်မာပြည်မှ နိုင်ငံရေး အကျဉ်းသားများ လွတ်မြောက်ရေး ဆန္ဒပြနေသူများ ဖြစ်ပါသည်။ (Photo: AFP)
“ဒေါ်စုက ထိန်းသိမ်းခံရပြီး ပြန်လွတ်လာတိုင်း သူက သီးခြား စဉ်းစားတယ်။ သူတို့မှာ ဒီလိုဟာတွေနဲ့ ဆက်ပြီးတော့ လွတ်လာတာမျိုး ကျွန်တော် မတွေ့ဖူးဘူး။ ကျွန်တော်တို့ကတော့ ၁၃ ရက် နိုဝင်ဘာပဲ။ အဲဒီနေ့မှာ လွှတ်ပေးမယ်လို့ မျှော်လင့်တယ်။ ဘာလို့လဲဆိုတော့ သူ့ကို ချမှတ်ထားတဲ့ ထောင်ဒဏ်က စေ့သွားပြီ။ အဲဒါကြောင့် ဒါ လွှတ်ရမှာပဲ။”
အကျဉ်းသားတွေကို လွှတ်ပေးတာမျိုး အရင်ကလည်း ရှိခဲ့ဖူးသလို အခု လွှတ်ပေးမဲ့ အစီအစဉ်ဟာလည်း လာမဲ့လမှာ ကျင်းပမဲ့ ရွေးကောက်ပွဲအတွက် မြန်မာစစ်အစိုးရရဲ့ ပြင်ဆင်မှုတခုသာ ဖြစ်တယ်လို့ ဦးဉာဏ်ဝင်းက ပြောပါတယ်။
“ကျွန်တော်တို့ ထင်တာကတော့ ဟိုတုန်းက ဆန္ဒခံယူပွဲတုန်းကလည်း လွှတ်တယ်။ သူတို့ရဲ့ ဟိုဒင်းပေါ့နော်၊ ဂုဏ်သိက္ခာကို တင်တဲ့အနေနဲ့ လွှတ်တာပါ။ သူတို့ သိက္ခာတက်မှ referendum လည်း နိုင်တယ်၊ ဒီလိုသဘောမျိုးတွေ ရှိတာပေါ့။ အခုလည်း အစိုးရအဖွဲ့ကလူ ဝန်ကြီးတွေက ရွေးကောက်ပွဲ ဝင်နေကြတော့ ဒါအတွက် နာမည်ကောင်း ယူဖို့ ဖြစ်နိုင်တာပေါ့။”
စစ်အစိုးရအနေနဲ့ အကျဉ်းကျနေတဲ့ အကျဉ်းသား ၃ ထောင်ကို လွှတ်ပေးဖို့ ရှိပြီး လွတ်မြောက်လာ သူတွေဟာ ရွေးကောက်ပွဲမှာ မဲပေးခွင့်ရကြမှာ ဖြစ်ကြောင်းနဲ့ သူတို့ကို မဲပေးခွင့်ပြုဖို့ ရွေးကောက်ပွဲ ကော်မရှင်က ညွှန်ကြားထားကြောင်း အမည်မဖော်လိုတဲ့ အကျဉ်းဦးစီးဌာန အရာရှိတဦးကို ကိုးကားပြီး Reuters သတင်းဌာနက ဒီကနေ့ ရေးသားပါတယ်။ ရက် ၃၀ အတွင်း လွှတ်ဖို့ရှိတဲ့ အကျဉ်းသားတွေကို လွှတ်ပေးဖို့ စီစဉ်ထားတယ်လို့လည်း သူက ပြောပါတယ်။
မနေ့ကလည်း ရွေးကောက်ပွဲ မတိုင်ခင် မဲပေးနိုင်ဖို့ အကျဉ်းထောင်အသီးသီးက အကျဉ်းသား ၁ သောင်း ၁ ထောင်ကျော် လွှတ်ပေးဖို့ စီစဉ်နေကြောင်း ပြည်ထဲရေးဝန်ကြီးဌာန အကျဉ်းဦးစီးဌာန အရာရှိတဦးကို ကိုးကားပြီး ပြည်တွင်းထုတ် Myanmar Times သတင်းဂျာနယ်က ရေးသား ဖော်ပြထားပါတယ်။ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ထိုင်း-မြန်မာ နယ်စပ်က ဒုက္ခသည် တစ်သိန်းကျော် အငတ်ဘေးနဲ့ ကြုံနေရ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်