တိုက်ကြီးမှာ မြေငလျင်ကြောင့် ဒဏ်ရာရရှိသူ ၄ဝ နီးပါးရှိ

"အထည်ချုပ်စက်ရုံက အဆောက်အအုံ ဘာမှမဖြစ်ဘူး မနက်က ၁၀ နာရီ ၂၅ မိနစ်မှာ ထပ်လှုပ်တော့ အထည်ချုပ်သမလေးတွေက လန့်ပြီးပြေးတာ ပြေးတော့ လူ ၂၀၀ ကျော်ရှိတဲ့အခါ နဲနဲရုန်းရင်းဆန် ခတ်ဖြစ်သွားပြီး မူးလဲတာတွေ ဘာတွေဖြစ်တာ ၁၅ ယောက်လောက်တော့ဖြစ်သွားတယ် တိုက်ကြီးဆေးရုံကို ပို့ထားတယ်"

မနေ့ညကလှုပ်တဲ့ ငလျင်ကြောင့် သေဆုံးသူ ၂ ဦးရှိတယ်လို့ သတင်းတွေထွက်ပေါ်နေပေမယ့် တိုက်ကြီးမြို့ နဲ့ ဝေးကွာတဲ့ ကပစ တပ်တွင်းမှာ ဖြစ်ပွားခဲ့တဲ့အတွက် အတည်ပြုလို့မရဖြစ်နေတယ်လို့လည်း ဦးလွင်စိုးမင်း က ပြောပါတယ်။

ငလျင်ကြောင့် အဆောက်အဦးအဟောင်းတွေပြိုကျခဲ့ပြီး လူနေအိမ် ၈ လုံးလောက်နဲ့ ဘုန်းကြီးကျောင်း ၃ ကျောင်းလောက်ပျက်စီးခဲ့ပါတယ်။

နေအိမ်ပျက်စီးခဲ့တဲ့ မိသားစုတွေကို ငွေကျပ် ၅ သောင်းနဲ့ ဆန် ၂ အိတ်ထောက်ပံ့သွားမှာဖြစ်ပြီး လတ်တလောမှာ ပြိုသွားတဲ့ အိမ်နဲ့ အဝေးမှာနေဖို့ ညွှန်ကြားထားပါတယ်။

မနေ့ညက တိုက်ကြီးမြို့မှာ လှုပ်ခတ်ခဲ့တဲ့ ငလျင်ဟာ ၅ ဒသမ ၈ ရစ်ချ်တာစကေးရှိပြီး နောက်ဆက်တွဲ ငလျင် လှုပ်ခတ်နိုင်မှု ၅၀ ရာခိုင်နှုန်းရှိတဲ့အတွက် အဆောက်အဦးအဟောင်းတွေနဲ့ ပြိုပျက်နေတဲ့ အဆောက်ဦးတွေ အနီးကို သတိထားသွားလာကြဖို့ မြန်မာနိုင်ငံငလျင်ကော်မတီက သတိပေးထားပါတယ်။