အရေးယူခံရတဲ့ ရဲတပ်ဖွဲ့ဝင် ၂၀၀ ကျော်ရှိ
2016.12.08
မြန်မာနိုင်ငံ ရဲတပ်ဖွဲ့ဝင်တချို့ကို တွေ့ရစဉ်
ဧရာဝတီတိုင်းဒေသကြီးက ရဲတပ်ဖွဲ့ဝင် ၂၀၀ ကျော်ကို ရဲစည်းကမ်းဖောက်ဖျက်မှုတွေနဲ့ အရေးယူဆောင်ရွက် ထားတယ်လို့ ဧရာဝတီတိုင်းဒေသကြီး ရဲတပ်ဖွဲ့က ရဲမှူးကြီး ထွန်းမင်း က ပြောပါတယ်။
ရဲစည်းကမ်းဖောက်ဖျက်သူတွေကို ရဲမှူးအဆင့်ကစပြီး အောက်ခြေဝန်ထမ်းတွေအထိ အရေးယူ ဆောင်ရွက် ထားတယ်လို့ ရဲမှူးကြီး ထွန်းမင်းက ပြောပါတယ်။
"တိုင်ကြားခံရတာ ရဲမှူးအဆင့်ကနေစပြီးတော့ ရဲဘော်အဆင့်အထိ ရှိပါတယ်။ ထောင်ကျတဲ့သူ ၂၆ ယောက်၊ ထုတ်ပစ်တဲ့သူ ၄ ယောက်၊ ရာထူးအဆင့်လျှော့ချတာ ၁၀ ယောက်ကျော်ကျော်၊ နောက်ဝန်ထမ်းလုပ်သက် လျှော့ ချတာ ၃၅ ယောက်၊ နောက်နှစ်တိုးလျှော့ချတယ်၊ မှတ်တမ်းဝင်သတိပေးတယ်၊ ပြင်းထန်စွာ သတိပေးရှုတ်ချတယ် အများကြီးပါပဲ"
အမှုကိုမမှန်မကန်စစ်ဆေးမှု၊ လိုင်းကြေးတောင်းတာ၊ အမှုဆင်ဖမ်းတာ၊ အမှုစစ်ကြန့်ကြာတာ၊ တရားခံကို မဖမ်းတာစတာတွေကြောင့် ရဲတပ်ဖွဲ့ဝင်တွေကို တိုင်ကြားထားတဲ့အမှုပေါင်း ၁၅၇ မှုရှိပြီး တိုင်ကြားမှုအပြင် ရဲစည်းကမ်းဖောက်ဖျက်မှုတွေကြောင့် အရေးယူခံထားရတဲ့ ရဲဝန်ထမ်း စုစုပေါင်း ၂၀၀ ကျော်ရှိပါတယ်။
ကျူးလွန်တဲ့ပြစ်မှုအလိုက် ထောင်ဒဏ်အပြစ်ပေးတာ၊ အလုပ်က ထုတ်ပယ်တာ၊ ရာထူးလျှော့ချတာ၊ နှစ်တိုးလျှော့ ချတာ၊ ပြင်းထန်စွာအပြစ်ပေးတာတွေ လုပ်ဆောင်ထားတယ်လို့ ပြောပါတယ်။
ဧရာဝတီတိုင်းဒေသကြီးအတွင်းက ပုသိမ်ခရိုင်၊ ဖျာပုံခရိုင်၊ မအူပင်ခရိုင်တွေမှာ အများဆုံးတိုင်ကြားခံထား ရတာ ဖြစ်ပါတယ်။
ဧရာဝတီတိုင်းရဲတပ်ဖွဲ့ ရဲမှူးကြီး ထွန်းမင်းကို RFA သတင်းထောက် မဝေယံမိုးမြင့်က ဆက်သွယ်မေးမြန်း ထားပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ထိုင်း-မြန်မာ နယ်စပ်က ဒုက္ခသည် တစ်သိန်းကျော် အငတ်ဘေးနဲ့ ကြုံနေရ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်