နှစ်ရက်ကြာတိုက်ပွဲ စစ်တပ်က ၁၀ ဦး သေဆုံးကြောင်း တမူး PDF ထုတ်ပြန်
2022.02.18
တမူး PDF တပ်ဖွဲ့ဝင်တွေကို တွေ့ရစဥ်
Photo: Tamu PDF
စစ်ကိုင်းတိုင်း၊ တမူးမြို့မှာ ဖေဖော်ဝါရီ ၁၆ ရက်နဲ့ ၁၇ ရက် တိုက်ပွဲတွေအတွင်း စစ်ကောင်စီ တပ်ဘက်က တပ်ကြပ်ကြီး အပါအဝင် ၁၀ ဦး သေဆုံးပြီး သုံးဦး ဒဏ်ရာရရှိခဲ့တယ်လို့ တမူးပြည်သူ့ကာကွယ်ရေးတပ်ဖွဲ့ တပ်ရင်း (၄) က ဖေဖော်ဝါရီ ၁၇ ရက် မနေ့က ထုတ် ပြန်ပါတယ်။
တမူး-ကလေး လမ်းမကြီး ၃ မိုင်အကျော်မှာရှိတဲ့ အစိုးရနည်းပညာအထက်တန်းကျောင်း (GTHS) မှာ တပ်စွဲနေတဲ့ စစ်ကောင်စီတပ်သားတွေကို တမူးပြည်သူ့ကာကွယ်ရေးတပ်ရင်း (၄) က အလစ်ဝင်ရောက်တိုက်ခိုက်ခဲ့တာလို့ ဆိုပါတယ်။
ဒီတိုက်ခိုက်မှုကို ဒေသကာကွယ်ရေးအဖွဲ့ ငါးဖွဲ့ ပူးပေါင်းတိုက်ခိုက်ခဲ့တာဖြစ်ပြီး တပ်ဖွဲ့ဝင် အနည်းငယ် ထိခိုက်ဒဏ်ရာရခဲ့တယ်လို့လည်း ထုတ်ပြန်ချက်မှာ ဖော်ပြထားပါတယ်။
ဒီထုတ်ပြန်ချက်နဲ့ ပတ်သက်လို့ RFA အနေနဲ့ သီးခြားအတည်ပြုနိုင်ခြင်း မရှိသေးသလို စစ်ကောင်စီဘက်ကလည်း ထုတ်ပြန်တာ မတွေ့ရသေးပါဘူး။
ဒီတိုက်ခိုက်မှုတွေကြောင့် တမူးမြို့ပေါ်ရပ်ကွက်တွေနဲ့ ကလေး-တမူး လမ်းမကြီးပေါ်မှာရှိတဲ့ ကားနဲ့ ဆိုင်ကယ်တွေကို စစ်ကောင်စီတပ်က တင်းကျပ်စစ်ဆေးနေတယ်လို့လည်း ဒေသခံ တွေက ပြောပါတယ်။
ပြီးခဲ့တဲ့ ဇန်နဝါရီလ ၁၇ ရက်နေ့ကလည်း ကလေး-တမူး လမ်းမပေါ်က စစ်ကောင်စီ ယာဥ်တန်းတစ်ခုကို တမူးပြည်သူ့ကာကွယ်ရေးတပ်ဖွဲ့ဝင်တွေက ရန်လင်းဖိုင်နဲ့ ဝိတုတ် ကျေးရွာတွေအနီးမှာ မိုင်းဆွဲတိုက်ခိုက်ခဲ့တာကြောင့် ရဲအရာရှိတစ်ဦးနဲ့ ရဲတပ်သား သုံးဦး သေဆုံးခဲ့တယ်လို့ တမူးပြည်သူကာကွယ်ရေးတပ်ဖွဲ့ဝင်တွေက ပြောပါတယ်။
စစ်အာဏာသိမ်းပြီးနောက်ပိုင်း တမူးမြို့နယ်မှာ စစ်ကောင်စီတပ်နဲ့ ဒေသကာကွယ်ရေး တပ်ဖွဲ့ဝင်ကြား မနေ့ကအထိ တိုက်ပွဲ ၁၅ ကြိမ်ခန့် ဖြစ်ပွားခဲ့တယ်လို့ ဒေသခံတွေက ပြောပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်
- မအောင်မြင်တဲ့ ငြိမ်းချမ်းရေးဆွေးနွေးပွဲအပြီး TNLA ထိန်းချုပ်ဒေသ ဗုံးကြဲခံရ
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- မတ္တရာမှာ ဗုံးကြဲလို့ တစ်ဦးသေဆုံးပြီး လေးဦးဒဏ်ရာရ