တနိုင်းဒေသခံ ၈၀၀ ကျော် မြို့ပေါ်ကယ်ဆယ်ရေးစခန်း ၄ ခုမှာ ခိုလှုံ

"ကယ်ဆယ်ရေးစခန်း ၄ နေရာပေ့ါ၊ ၈၇၄ ယောက်လောက်ရှိတယ်၊ လူတစ်ထောင်နီးပါးပဲ၊ ကျနော်တို့ အသင်းတော်တိုင်းမှာ နေရာထိုင်ခင်း စီစဉ်ပေးပါတယ်၊ အခုအသင်းတော်တိုင်းမှာရှိတဲ့သူတွေက နမ်ခန်၊ ကွန်ခရာ၊ ဂါးခါး ကျေးရွာမှာ အတည်တကျနေထိုင်တဲ့သူတွေပါ၊ မှော်သူမှော်သားတွေအားလုံး မြစ်ကြီး နား၊ ရန်ကုန်၊ မန္တလေး ပြန်ကုန်ပြီ’’

ဒီနေ့မှာတော့ နေ့လည်ပိုင်းအချိန်အထိ တိုက်ပွဲဖြစ်ပွားမှုမရှိဘဲ မနေ့ကမနက်ပိုင်းကတော့ မှော်တွေဆီသွားတဲ့ ၉ မိုင်တံတားအနီးမှာ တစ်နာရီနီးပါးလောက် တိုက်ပွဲဖြစ်ပွားခဲ့တယ်လို့ သိရပါတယ်။

ဒုက္ခသည်တွေအတွက် ဆန်နဲ့ဆီ အဓိကလိုအပ်နေပြီး စားသောက်ကုန်နဲ့ စက်သုံးဆီဈေးတွေလည်း မြင့်တက်နေ တယ်လို့ သင်းအုပ်ဆရာ ဦးဂျယ်ဒီး က ပြောပါတယ်။

ပယင်းမှော်အနီးတဝိုက်က ဒေသခံအများစုဟာ လယ်လုပ်ကြတာများပြီး အခုလိုစစ်ရေးတင်းမာနေ တာတွေကြောင့် နေရပ်စွန့်ခွာထွက်ပြေးလာကြရသလို လယ်လုပ်ငန်းတွေကိုလည်း ပစ်ထားခဲ့ကြရတယ် လို့ ပြောပါတယ်။