အေးမွန်သာကျေးရွာက ရေဘေး သင့်သူတွေ စားနပ်ရိက္ခာ လိုအပ်နေ

ရေလွှမ်းခံထားရတဲ့ မြန်မာ-ထိုင်းနယ်စပ်နားက တနင်္သာရီမြို့နယ် အေးမွန်သာ ခေါ် ချောင်ချိ ကျေးရွာမှာ ဒေသခံ ၁၅၀၀ ကျော်အတွက် အရေးပေါ် စားနပ်ရိက္ခာတွေ လိုအပ်နေတယ်လို့ ကူညီပေးနေသူတွေက ပြောပါတယ်။

ပြီးခဲ့တဲ့နှစ်ရက်လောက်က ထိုင်းနယ်စပ်ကို သွားရောက်ပြီး အေးမွန်သာကျေးရွာအတွက် ဆန်အိတ်တွေ ပို့ဆောင်ပေးခဲ့တဲ့ တနင်္သာရီမြို့နယ် တိုင်းဒေသကြီး လွှတ်တော်ကိုယ်စားလှယ် ဦးရဲမြင့်ဆွေ က ဒေသခံတွေ ရဲ့လိုအပ်ချက်တွေကို ပြောတာဖြစ်ပါတယ်။

"ထိုင်းထဲကိုသွားတဲ့ တောင်ပေါ်လမ်းက လုံးဝရေတိုက်စားပြီးတော့ ပျက်စီးသွားတဲ့ အနေအထားဖြစ်သွားတယ်၊ သစ်ပင်တွေလည်းပိတ်ပြီးတော့ လုံးဝသွားလို့မရပဲဖြစ်နေတယ်၊ ရေဘေးသင့်တဲ့ အိမ်ထောင်စုက ၂၂ စုရှိတယ်၊ လူဦးရေ ၁ဝဝ ရှိတာပေါ့နော်၊ စားနပ်ရိက္ခာပြတ်တဲ့ဟာဖြစ်သွားတယ်"