ဖားကန့်မြို့နယ် အခွန်ဦးစီးဌာန အရာရှိ ပစ်ခတ်ခံရလို့သေဆုံး
ဖားကန့်မြို့၊ ဆိုင်းတောင်ကျေးရွာတစ်နေရာအား ၂၀၂၂ ခုနှစ် စက်တင်ဘာလ ၂၈ ရက်နေ့က တွေ့ရစဉ်။
Photo: RFA
ကချင်ပြည်နယ် ဖားကန့်မြို့နယ် အခွန်ဦးစီးဌာန ဒုတိယဦးစီးမှူး ဦးအောင်ကို သေနတ်နဲ့ ပစ်ခတ်ခံရပြီး သေဆုံးခဲ့တယ်လို့ ဒေသခံတွေက ပြောပါတယ်။
ဖားကန့်မြို့နယ် ဆိုင်းတောင်ကျေးရွာမှာ အောက်တိုဘာလ ၁၄ ရက်က မြို့နယ်အခွန် ဦးစီးဌာနက ဒုဦးစီးမှူး ဦးအောင်ကို နဲ့ အထူးစုံစမ်းစစ်ဆေးရေးဦးစီးဌာန အရာရှိ ဦးထင်လင်းကျော်တို့ နှစ်ဦးကို လက်နက်ကိုင်အဖွဲ့တစ်ခုက ဖမ်းဆီးခဲ့တာလို့ ဒေသခံတွေက ပြောပါတယ်။
အောက်တိုဘာလ ၁၅ ရက်မှာ ထွက်ပြေးဖို့ကြိုးစားတဲ့အတွက် ပစ်ခတ်ခံရတာကြောင့် မြို့နယ်အခွန်ဦးစီးဌာန ဒုဦးစီးမှူး ဦးအောင်ကို သေဆုံးခဲ့ပြီး အထူးစုံစမ်းစစ်ဆေးရေး ဦးစီးဌာန အရာရှိကတော့ သေနတ်ဒဏ်ရာနဲ့ ဖားကန့်မြို့နယ်ဆေးရုံမှာ ဆေးကုသမှု ခံယူနေတယ်လို့ ဒေသခံတစ်ဦးက ပြောပါတယ်။
"ထွက်ပြေးတဲ့အချိန်မှာ အခွန်ဒုဦးစီးကတော့ သေနတ်ဒဏ်ရာနဲ့ နေရာမှာ ပွဲချင်းပြီး သေတာ။ စသုံးလုံးက အရာရှိကတော့ သေနတ်ဒဏ်ရာနဲ့ ထွက်ပြေးရင်း ဖားကန့် ဆေးရုံထိ ရောက်လာတာပေါ့။ စသုံးလုံးက အရာရှိကတော့ မစိုးရိမ်ရဘူးလို့ ကြားတယ်"
သူတို့နှစ်ဦးကို ဘယ်လက်နက်ကိုင်အဖွဲ့က ဖမ်းဆီးခဲ့တယ်ဆိုတာ မသိရဘူးလို့ သူက ပြောပါတယ်။
ဖားကန့်မြို့နယ်အတွင်း ကချင်လွတ်မြောက်ရေးအဖွဲ့ (KIO) အပြင် ပြည်သူ့ကာကွယ်ရေး တပ်ဖွဲ့တွေလည်း လှုပ်ရှားနေပါတယ်။
အောက်တိုဘာလ ၁၀ ရက်နေ့မှာလည်း ဖားကန့်မြို့၊ မရှိကထောင်ရပ်ကွက်မှာ နယ်ထိန်း ရဲတစ်ဦး သေနတ်နဲ့ ပစ်ခတ်ခံရလို့ သေဆုံးခဲ့ပါတယ်။
ဖားကန့်မြို့မှာ စစ်ကောင်စီတပ်ဖွဲ့ဝင်တွေနဲ့ ဌာနဆိုင်ရာဝန်ထမ်းတွေ ဖမ်းဆီးခံရတာ၊ ပစ်ခတ်သတ်ဖြတ်ခံရတာတွေ မကြာခဏဖြစ်လေ့ရှိပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ထိုင်း-မြန်မာ နယ်စပ်က ဒုက္ခသည် တစ်သိန်းကျော် အငတ်ဘေးနဲ့ ကြုံနေရ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်