ကျောင်းဆရာ ဦးအောင်ဇင်ထွန်း အသတ်ခံရမှု အမှုမှန်ဖော် ထုတ်ပေးဖို့ ဆရာတွေ တောင်းဆို

ဆန္ဒပြသူတွေဟာ ဝေးလံခေါင်ဖျားတဲ့ ဒေသတွေမှာ သွားရောက်တာဝန်ထမ်းဆောင်ကြရတဲ့ ကျောင်းဆရာ၊ ဆရာမတွေရဲ့ လူမှုဘဝလုံခြုံရေးကို ဆောင်ရွက်ပေး ဖို့၊ ဆရာ ဦးအောင်ဇင်ထွန်း သေဆုံးမှုကို အမြန်ဆုံးဖော်ထုတ်ပေးဖို့နဲ့ တရားမျှတမှုရှိစွာဆောင်ရွက်ပေးဖို့ တောင်းဆိုကြပါတယ်။

ပြီးခဲ့တဲ့ ဇန်နဝါရီလ ၂၀ ရက်နေ့က ဦးအောင်ဇင်ထွန်း ရဲ့ရုပ်အလောင်းကို သြင်္ဂ ိုဟ်ခဲ့ရာ ဆရာ၊ ဆရာမတွေ၊ ကျောင်းသား ကျောင်းသူတွေနဲ့ ဒေသခံတွေ ၅ ထောင်ဝန်းကျင် လိုက်ပါပို့ဆောင်ခဲ့ကြပါတယ်။

အခုလို ကျောင်းဆရာတစ်ဦးကို သတ်ဖြတ်လိုက်တဲ့အတွက် မြန်မာနိုင်ငံရဲ့ ပညာရေးကဏ္ဍကို များစွာထိခိုက်ကြောင်း၊ ဦးအောင်ဇင်ထွန်း အခုလို ပစ်သတ်ခံရတာ ကို မြန်မာနိုင်ငံလုံးဆိုင်ရာ ဆရာ၊ ဆရာမများ အဖွဲ့ချုပ်က ပြင်းထန်စွာ ရှုံ့ချကြောင်းလည်း ပြောပါတယ်။

ဖားကန်မြို့နယ် နမ့်မဖြစ်ကျေးရွာ အလယ်တန်းကျောင်းက အသက် ၂၀ ကျော်အရွယ် ကျောင်းဆရာ ဦးအောင်ဇင်ထွန်းကို ပြီးခဲ့တဲ့ ဇန်နဝါရီလ ၁၈ ရက်နေ့က ဆိုင်ကယ်စီးသေနတ်သမား ၃ ဦးက ကျောင်းကနေ ခေါ်ဆောင်သွားပြီး ဦးခေါင်းကို သေနတ်နဲ့ ပစ်သတ်ခဲ့တာဖြစ်ပါတယ်။

ပြီးခဲ့တဲ့ ဇန်နဝါရီလ ၂၀ ရက်နေ့က ဦးအောင်ဇင်ထွန်း ရဲ့ရုပ်အလောင်းကို သြင်္ဂ ိုဟ်ခဲ့ရာ ဆရာ၊ ဆရာမတွေ၊ ကျောင်းသား ကျောင်းသူတွေနဲ့ ဒေသခံတွေ ၅ထောင် ဝန်းကျင် လိုက်ပါပို့ဆောင်ခဲ့ကြပါတယ်။