ရှမ်းပြည်မြောက်ပိုင်း ကွတ်ခိုင်မြို့နယ်မှာ အစိုးရစစ်တပ်နဲ့ TNLA တိုက်ပွဲဖြစ်ပွား


2018.12.07
weapon-shot-622.jpg ကွတ်ခိုင်မြို့ အမှတ် ၅ ရပ်ကွက်က အိမ်တစ်အိမ်ပေါ် ကျခဲ့တဲ့ လက်နက်ကြီး ကျည်ဆန်ကို တွေ့ရစဉ်
Photo: KutKai- fb

ရှမ်းပြည်နယ်မြောက်ပိုင်း ကွတ်ခိုင်မြို့နယ်အတွင်း အစိုးရစစ်တပ်နဲ့ TNLA တအာင်းအမျိုးသား လွတ်မြောက်ရေး တပ်ဖွဲ့တွေ မနေ့က မနက်ပိုင်းက တိုက်ပွဲဖြစ်ခဲ့ပါတယ်။

ပန်ဆေးပြည်သူ့စစ် စခန်းကုန်းတဝိုက်မှာ တိုက်ပွဲပြင်းထန်နေပြီး၊ ကွတ်ခိုင်မြို့ အမှတ် ၅ ရပ်ကွက်က အိမ်တစ် အိမ်ပေါ်ကို လက်နက်ကြီးတစ်လုံး ကျခဲ့တယ်လို့ ဒေသခံတစ်ဦးက ပြောပါတယ်။

အဲဒီကျည်ဆန် မပေါက်ကွဲတဲ့အတွက် တပ်မတော်က ရှင်းလင်းခဲ့တယ်လို့ ဆိုပါတယ်။ ကွတ်ခိုင်မြို့ထဲမှာ လက်နက်ငယ်ပစ်ခတ်သံတွေလည်း ဆက်တိုက်ကြားနေရတယ်လို့ သိရပါတယ်။

ဒီဇင်ဘာလ ၆ ရက်နေ့ကလည်း ကွတ်ခိုင်မြို့နယ် တာမိုးညဲမြို့နယ်ခွဲ မကောက်တောင်နဲ့ ကွတ်ခိုင် လွယ်ကန်ကျေးရွာတဝိုက်မှာ TNLA နဲ့ အစိုးရစစ်တပ်တို့ တိုက်ပွဲဖြစ်ခဲ့ပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။