တိုင်းရင်းသားစာပေ ဖွံ့ဖြိုးရေး အဆိုကို မွန်ပြည်နယ်ဝန်ကြီး အကောင်ထည်မဖော်ဘူး လို့ ဝေဖန်

မွန်ပြည်နယ်မှာ မွန်၊ ကရင်နဲ့ ပအိုဝ်းတိုင်းရင်းသားတွေနေထိုင်ကြပြီး တိုင်းရင်းသားစာပေတွေကို ကျောင်းချိန် အတွင်း သင်ကြားခွင့်ပြုဖို့၊ တိုင်းရင်းသားစာပေသင်ကြားတဲ့ ဆရာမတွေကိုပေးတဲ့ ထောက်ပံကြေး ၃ သောင်း ပုံမှန်ပေးဖို့၊ တိုင်းရင်းသားဘာသာ သင်ကြားတဲ့ ဆရာဆရာမတွေကို တိုင်းရင်းသားဝတ်စုံ ဝတ်ဆင်ခွင့်ပေးဖို့၊ တိုင်းရင်းသားဘာသာသင်ပေးမယ့် ဆရာဆရာမတွေကို ခွဲခြားဆက်ဆံတာတွေမပြုလုပ်ဘဲ သင်ကြားရေး ပစ္စည်းတွေကို အသုံးပြုခွင့်ပေးဖို့ စတဲ့ အချက် ၁၁ချက်ကို ပြည်နယ်လွှတ်တော်မှာ အတည်ပြုခဲ့ပေမယ့် ဆောင် ရွက်ပေးခြင်းမရှိဘူးလို့ ပြောပါတယ်။

ဒီနေ့ကျင်းပတဲ့ ပြည်နယ်လွှတ်တော် အစည်းအဝေးမှာလည်း တိုင်းရင်းသားစာပေ ဖွံ့ဖြိုးရေးအတွက် အစိုးရ က ဆောင်ရွက်ထားခြင်း ရှိ မရှိမေးမြန်းခဲ့ပေမယ့် ဆောင်ရွက်ထားခြင်းမရှိဘူးလို့ ဝန်ကြီးက လွှတ်တော် မှာ ဖြေကြားခဲ့ပါတယ်။

တိုင်းရင်းသားစာပေသင်ကြားတဲ့ ကျောင်းတွေက ဆရာဆရာမတွေမှာ ခွဲခြားဆက်ဆံခံရတာ၊ တိုင်းရင်းသားဝတ်စုံ ဝတ်ဆင်ခွင့်မရတာစတဲ့ အခက်အခဲတွေရှိနေတယ်လို့ တိုင်းရင်းသား လူမျိုးရေးရာကော်မတီကို တိုင်ကြားတာတွေ ရှိတယ်လို့ သိရပါတယ်။