SNLD ပါတီရဲ့တိုင်ကြားမှုကို ကော်မရှင်ကပယ်ချ


2019.06.13
uec-622 နေပြည်တော် ပြည်ထောင်စု ရွေးကောက်ပွဲကော်မရှင်ရုံး အဆောက်အအုံ အဝင်ဝကို တွေ့ရစဉ်
Photo: RFA

၂၀၁၈ ခုနှစ်၊ ကြားဖြတ်ရွေးကောက်ပွဲမှာ အနိုင်ရခဲ့တဲ့ အင်န်အယ်လ်ဒီပါတီက မန္တလေးတိုင်းဒေသကြီး ရှမ်းတိုင်းရင်းသားရေးရာဝန်ကြီး ဦးစိုင်းပန်းဆိုင်အပေါ် ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ပါတီက ကန့်ကွက်ခဲ့ပေမယ့် ရွေးကောက်ပွဲကော်မရှင်က ပယ်ချခဲ့ပါတယ်။

အင်န်အယ်လ်ဒီ ပါတီကိုယ်စားလှယ် ဦးစိုင်းပန်းဆိုင်ကို ရွေးကောက်ပွဲ ငွေစာရင်းအပါအဝင် အမှု ၄ ခုနဲ့ SNLD ပါတီက တိုင်ကြားခဲ့တာပါ။

ရွေးကောက်ပွဲငွေစာရင်းမှာ ဝန်းရံသူတွေရဲ့ ငွေကြေးကို ထည့်မထားတာ၊ ဗမာတိုင်းရင်းသား နှစ်ဦး မဲထည့်တာ၊ စည်းရုံးရေးကာလပြီးတဲ့အထိ မဲဆွယ်တာ၊ မဲရုံးမှူးတွေက ဆန္ဒပြုခန်းအထိ လိုက်လံပြောဆိုတယ်ဆိုပြီး တိုင်ကြားခဲ့တာဖြစ်ပါတယ်။

တိုင်းကြားခဲ့တဲ့ ရှမ်းတိုင်းရင်းသားများ ဒီမိုကရေစီအဖွဲ့ချုပ်ပါတီက ကာယကံရှင် ဒေါ်နန်းထွေးမှုံ ကတော့ အမှုကို ၁၅ ရက်အတွင်း အယူခံဝင်သွားမယ်လို့လည်း ပြောပါတယ်။

ဒီသတင်းကို RFA သတင်းထောက် ကိုဝင်းကိုကိုလတ် ပေးပို့တာပါ။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။