နည်းလမ်းပေါင်းစုံသုံးပြီး မြန်မာပြည်သူတွေကို ကာကွယ်ပေးဖို့ UN မှာ ဦးကျော်မိုးထွန်းပြော
ဇန်နဝါရီလ ၂၄ ရက်က အမေရိကန်နိုင်ငံ နယူးယောက်မြို့၊ ကုလသမဂ္ဂဌာနချုပ်မှာ ကျင်းပတဲ့ အထွေထွေညီလာခံ တက်ရောက်လာသော မြန်မာသံအမတ်ကြီး ဦးကျော်မိုးထွန်း။
Photo: Permanent Mission of Myanmar to the United Nations
စစ်အာဏာသိမ်းဒဏ်ခံနေရတဲ့ မြန်မာပြည်သူတွေကို နိုင်ငံတကာ အသိုင်းအဝိုင်းအနေနဲ့ နည်းလမ်းပေါင်းစုံသုံးပြီး အကာအကွယ်ပေးဖို့ ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းက မေတ္တာရပ်ခံလိုက်ပါတယ်။
ဇန်နဝါရီလ ၂၄ ရက် မနေ့က အမေရိကန်နိုင်ငံ နယူးယောက်မြို့၊ ကုလသမဂ္ဂဌာနချုပ်မှာ ကျင်းပတဲ့ အထွေထွေညီလာခံ မျက်နှာစုံညီအစည်းအဝေးမှာ ပြောဆိုခဲ့တာ ဖြစ်ပါတယ်။
အာဏာသိမ်းပြီးနောက် မြန်မာစစ်တပ်ဟာ လူသားမျိုးနွယ်စုအပေါ်ကျူးလွန်တဲ့ ပြစ်မှုနဲ့ စစ်ရာဇဝတ်မှု ကျူးလွန်နေပြီး လူ့အခွင့်အရေးနဲ့ လူသားချင်း စာနာထောက်ထားမှု ဥပဒေတွေကို ချိုးဖောက်နေတယ်လို့ ဦးကျော်မိုးထွန်းက ပြောခဲ့ပါတယ်။
ကုလသမဂ္ဂပဋိဉာဏ်စာတမ်းမှာပြဌာန်းထားချက်တွေအတိုင်း နိုင်ငံတကာ အသိုင်းအဝိုင်းအနေနဲ့ နည်းလမ်းပေါင်းစုံသုံးပြီး မြန်မာစစ်တပ်ရဲ့ လုပ်ရပ်တွေကို အချိန်မီ ပြတ်ပြတ်သားသားနဲ့ ကာကွယ်ပေးဖို့ လိုတယ်လို့လည်း ဆိုပါတယ်။
မြန်မာနိုင်ငံမှာ စစ်တပ်ကအာဏာသိမ်းထားတာ တစ်နှစ်တင်းတင်းပြည့်တော့မှာဖြစ်သလို စစ်တပ်ကအာဏာသိမ်းပြီးနောက် လူပေါင်း ၁၄၄၇ ဦးသတ်ဖြတ်ခံခဲ့ရပြီး၊ ထောင်ပေါင်းများစွာ ဖမ်းဆီးညှဥ်းပန်းနှိပ်စက်ခံနေရတယ်လို့လည်း သံအမတ်ကြီး ဦးကျော်မိုးထွန်းက ထောက်ပြပြောဆိုခဲ့ပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
- စဉ့်ကူးမြို့နယ်မှာ ဗုံးကြဲတိုက်ခိုက်လို့ တစ်ဦးသေဆုံး၊ လေးဦးဒဏ်ရာရ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ထိုင်း-မြန်မာ နယ်စပ်က ဒုက္ခသည် တစ်သိန်းကျော် အငတ်ဘေးနဲ့ ကြုံနေရ
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်