မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် ချင်းဒုက္ခသည်တွေနဲ့ တွေ့ဆုံ
2011.02.21
ကုလသမဂ္ဂ အတွင်းရေးမှူးချုပ် ဘန်ကီမွန်း (ယာ) က မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ်အဖြစ် မစ္စတာ တောမတ်စ် အိုဂျီးယား ကင်တားနား (ဝဲ) အား တာဝန်ပေးအပ်ထားပါသည်။ (UN Photo/ Eskinder Debebe)
မစ္စတာ ကင်တားနားရဲ့ ခရီးစဉ်နဲ့ ပတ်သက်ပြီး မလေးရှားနိုင်ငံကို ရောက်ရှိနေတဲ့ ကနေဒါအခြေစိုက် ချင်းလူ့အခွင့်အရေးအဖွဲ့ CHRO ရဲ့ တာဝန်ခံတဦးဖြစ်သူ ဆလိုင်းဗွေလျှံက အတည်ပြု ပြောပါတယ်။
“ကုလသမဂ္ဂ အထူးကိုယ်စားလှယ်ရုံးက ကျနော်တို့ ချင်းပြည်နယ်မှာ ဖြစ်ပျက်နေတဲ့ ကိစ္စတွေကို လေ့လာချင်တယ်တဲ့။ မလေးရှားမှာ ချင်းဒုက္ခသည် ၄ သောင်းကျော် ရှိတယ်ဆိုတော့ မလေးရှားကို သူကိုယ်တိုင်လာပြီး လူ့အခွင့်အရေး ချိုးဖောက်ခံနေရတဲ့ ကာယကံရှင်တွေနဲ့ ကိုယ်တိုင်တွေ့ပြီး စုံစမ်းစစ်ဆေးမှုတွေ လုပ်တာပါ”
ဒါပေမယ့် သူက အသေးစိတ်ထုတ် ဖော်ပြောကြားဖို့ ငြင်းဆိုပါတယ်။
ပြီးခဲ့တဲ့လကလည်း အမေရိကန်အခြေစိုက် လူ့အခွင့်အရေးဆိုင်ရာ ဆရာဝန်များအဖွဲ့က ချင်းပြည်နယ်က လူ့အခွင့်အရေး ချိုးဖောက်မှုတွေဟာ လူသားထု တရပ်လုံးကို ကျူးလွန်တဲ့ နိုင်ငံတကာ ရာဇဝတ်မှုတွေ မြောက်နေတယ်ဆိုတဲ့ အစီရင်ခံစာတစောင် ထုတ်ပြန်ခဲ့ပါတယ်။
မလေးရှားနိုင်ငံမှာ လက်ရှိ ချင်းတိုင်းရင်းသား ဒုက္ခသည်ပေါင်း ၄ သောင်းကျော် ရှိတယ်လို့ ခန့်မှန်းထားပြီး အများအပြားဟာ မလေးရှားက တဆင့် တတိယနိုင်ငံတွေကို ရောက်ရှိနေကြပြီ ဖြစ်ပါတယ်။
မစ္စတာကင်တားနားဟာ လာမယ့်လမှာ မြန်မာနိုင်ငံဆိုင်ရာ လူ့အခွင်အ့ရေး အခြေအနေ အစီရင်ခံစာကို လူ့အခွင့်အရေးကောင်စီကို တင်ပြဖို့ ရှိပြီး ချင်းတိုင်းရင်းသားများ အရေးနဲ့ ရိုဟင်ဂျာ လှေစီးဒုက္ခသည်များ အရေးကို အဓိကထား တင်ပြဖို့ရှိတယ်လို့ လေ့လာသူတွေက ဆိုပါတယ်။
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- KNA ခေါင်းဆောင် စောချစ်သူ နဲ့ သားနှစ်ဦးကို အမေရိကန် ပိတ်ဆို့အရေးယူ
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်