မြန်မာ့အရေး ဆွေးနွေးဖို့ ကိုယ်စားလှယ်အဖွဲ့ အမေရိကန် စေလွှတ်မည်
2021.10.16
အမေရိကန်နိုင်ငံခြားရေးဝန်ကြီး Antony Blinken ရဲ့ မူဝါဒဆိုင်ရာ အကြံပေး အတိုင်ပင်ခံ Derek Cholletကို ၂၀၂၁ စက်တင်ဘာ ၁၅ ရက်နေ့က တွေ့ရစဉ်
Photo: AFP
မြန်မာနိုင်ငံမှာ ဖေဖော်ဝါရီလ စစ်တပ် အာဏာသိမ်းမှုကြောင့် ကြုံတွေ့နေတဲ့ အကျပ်အတည်းကို ဖြေရှင်းနိုင် ဖို့ အတွက်၊ အဖွဲ့တစ်ဖွဲ့ကို အမေရိကန်ပြည်ထောင်စုက ထိုင်း၊ စင်္ကာပူ နဲ့ အင်ဒိုနီးရှားနိုင်ငံတွေကို ရှေ့လာမယ့် သီတင်းပတ်မှာ စေလွှတ်မယ်လို့ သိရပါတယ်။
အဲဒီအဖွဲ့ကို အမေရိကန်နိုင်ငံခြားရေးဝန်ကြီး Antony Blinken ရဲ့ မူဝါဒဆိုင်ရာ အကြံပေး အတိုင်ပင်ခံ Derek Chollet က ဦးဆောင်မှာဖြစ်ပါတယ်။ ခရီးစဉ်အပြန်မှာ ဂျပန်နိုင်ငံကို ဝင်ရောက်ပြီး၊ မြန်မာနိုင်ငံအရေးနဲ့ အင်ဒို ပစိဖိတ်ဒေသဆိုင်ရာ ပြဿနာတွေ ဆွေးနွေးမှာဖြစ်ပါတယ်။
အရှေ့တောင်အာရှ ခရီးစဉ်အတွင်း အမေရိကန် အရာရှိတွေအနေနဲ့ မဟာမိတ်နိုင်ငံတွေနဲ့ ပူးပေါင်းဆောင်ရွက် မှု တိုးမြှင့်ပြီး၊ ဒေသတွင်းတည်ငြိမ်ရေး ပူးပေါင်းဆောင်ရွက်မှာ ဖြစ်ကြောင်း အမေရိကန် နိုင်ငံခြားရေးဌာနက ထုတ်ပြန်ပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
