သတင်းလွတ်လပ်ခွင့် ပိုရရှိဖို့ ကုလ တိုက်တွန်း


2019.05.04
reuters-622.jpeg ရိုက်တာသတင်းထောက် ကိုသက်ဦးမောင်မောင် (ခေါ်) ဝလုံး နဲ့ ကိုကျော်စိုးဦး (ခေါ်) မိုးအောင် တို့ကို တွေ့ရစဉ်
Photo: MPA and Kyaw Soe Oo Facebook

ကုလသမဂ္ဂ လွတ်လပ်စွာ ဆန္ဒသဘောထား ဖော်ထုတ်ရေးဆိုင်ရာ အထူးကိုယ်စားလှယ် David Kaye ဒေးဗစ်ကေး က မေလ ၃ ရက်နေ့ ကျရောက်တဲ့ ကမ္ဘာ့သတင်းလွတ်လပ်ခွင့်နေ့မှာ အောင်ပွဲခံ အခမ်းအနားတွေ ကျင်းပရုံမျှဖြင့် ကျေနပ်မနေကြဘဲ ကမ္ဘာတဝန်း သတင်းလွတ်လပ်ခွင့် ပိုမိုရရှိအောင် ကြိုးပမ်းကြဖို့ တိုက်တွန်းလိုက်ပါတယ်။

ဂျနီဗာမြို့ရှိ ကုလသမဂ္ဂရုံးကလာတဲ့ ကြေညာချက်မှာ ပြီးခဲ့တဲ့ နှစ်အတွင်း ကမ္ဘာအနှံ့အပြားရှိ အမှန်တရားကို ကြောက်ရွံ့တဲ့ အစိုးရတွေက သတင်းသမားတွေကို ဖိနှိပ်ခဲ့ပုံတွေကို ဥပမာပြပြီး ပြောဆိုရာမှာ မြန်မာပြည်မှာ ရိုက်တာသတင်းထောက် ၂ ဦးအပေါ် အရေးယူ အပြစ်ပေးခဲ့ပုံကိုလည်း ထည့်သွင်းဖော်ပြထားပါတယ်။

ကမ္ဘာ့နိုင်ငံတွေအနေနဲ့ သတင်းသမားတွေနဲ့ မီဒီယာတွေရဲ့ လွတ်လပ်ခွင့်တွေကို အာမခံရေးအတွက် စကားလုံး လှလှတွေ ပြောဆိုပြီး ဆုံးဖြတ်ချက်တွေ ထုတ်ပြန်ကြေညာနေကြတာထက် ပိုမိုခိုင်မာစွာ လက်တွေ့ကျကျ အမြန်ဆုံးဆောင်ရွက်ကြပါလို့လည်း ကုလ အထူးကိုယ်စားလှယ် ဒေးဗစ်ကေး က ပြောကြားလိုက်ပါတယ်။

 

 

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။