ကမ္ဘာကျော် အနုပညာရှင်တွေ ဇာဂနာနဲ့ တွဲဖက်ဖျော်ဖြေ
2012.03.05
ရုပ်ရှင်ဒါရိုက်တာနှင့် ဟာသသရုပ်ဆောင် ဇာဂနာ ခေါ် ကိုသူရ။ (Photo: AFP)
(Photo: AFP)
ဒီအစီစဉ်မှာ သူကိုယ်တိုင် ဇာတ်ညွန်းရေးထားတဲ့ လွတ်လပ်စွာ ထုတ်ဖေါ်ပြောဆိုခွင့် (Freedom of expression) ဆိုတဲ့ ဇာတ်လမ်းတိုကို အမေရိကန် အနုပညာရှင်တွေနဲ့ တွဲဖက်သရုပ်ဆောင်မှာ ဖြစ်တယ်လို့ ကိုဇာဂနာက အာအက်ဖ်အေကို
ပြောပါတယ်။
ဒီလို နိုင်ငံတကာ အခမ်းအနားတခုမှာ မြန်မာ့အနုပညာရှင်တဦးအနေနဲ့ ကမ္ဘာသိ အနုပညာရှင်တွေနဲ့အတူ ဖျော်ဖြေ တင်ဆက်ခွင့်ရတဲ့အတွက် ဝမ်းသာဂုဏ်ယူမိတယ်လို့လည်း ကိုဇာဂနာကပြောပါတယ်။
နိုင်ငံတကာမှာ လူ့အခွင့်အရေး ချိုးဖောက်မှုတွေကို ဖော်ထုတ်တင်ပြနေတဲ့ ဗြိတိန်အခြေစိုက် အေအိုင်အဖွဲ့ကြီး ထူထောင်ခဲ့တဲ့ နှစ် (၅၀)ပြည့် အထိမ်းအမှတ်အနေနဲ့ အဖွဲ့ခွဲတွေရှိတဲ့ နိုင်ငံပေါင်း ၁၅၀ကျော်မှာ အခမ်းအနားတွေကို ကျင်းပနေပါတယ်။
အမေရိကန် ပြည်ထောင်စုမှာ အခုကျင်းပနေတဲ့ အခမ်းအနားကို ဟောလီးဝုဒ် ရုပ်ရှင်သရုပ်ဆောင်တွေအပါအဝင် ကမ္ဘာကျော်ဟာသ အနုပညာရှင် စုစုပေါင်း ၃၅ ယောက် တက်ရောက်ဖို့ ရှိကြောင်းလည်းသိရပါတယ်။
အေအိုင်ခေါ် အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ဟာ နိုဘယ်လ်ငြိမ်းချမ်းရေးဆုကို ၁၉၇၇ ခုနှစ် ကဆွတ်ခူးရရှိခဲ့ပါတယ်။
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ဝါရင့် ရခိုင်နိုင်ငံရေးသမား ဦးဦးလှစော ကွယ်လွန်
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- KNA ခေါင်းဆောင် စောချစ်သူ နဲ့ သားနှစ်ဦးကို အမေရိကန် ပိတ်ဆို့အရေးယူ
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်