ཨེ་མོ་རིར་ཆིབས་བསྒྱུརམཛད་འཆར།

༄༅༎ཕྱི་ཟླ་བཅུ་པའི་ཚེས་བཅུ་བདུན་རེས་གཟའ་ཉི་མའི་ཉིན་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དེང་སྐབས་ཨ་མི་རི་ཀའི་ནང་ཆིབས་བསྒྱུར་བསྐྱངས་གནང་མཛད་ཡོད་པ་ལྟར།ཁ་ས་ཕྱི་ཚེས་༡༧ཉིན་ཨ་རིའི་མངའ་སྡེ་ཇོར་ཇི་ཡ་ནང་ཨེཊ་ལན་ཊ་ཨེ་མོ་རི་གཙུག་ལག་སློབ་གྲྭ་ཆེན་མོར་བྱམས་བརྩེའི་རང་བཞིན་དང་།བདེ་སྐྱིད་དོན་དུ་གཉེར་ཚུལ་སྐོར་ཆོས་ལུགས་འདྲ་མིན་གྱི་བགྲོ་གླེང་གི་ཚོགས་མགོན་དུ་ཞབས་སོར་འཁོད་གནང་མཛད་རྗེས།དེ་རིང་གཙུག་ལག་སློབ་གྲྭ་ཆེན་མོ་དེའི་ནང་༸གོང་ས་༸སྐྱབས་མགོན་ཆེན་པོ་མཆོག་གིས་བྱམས་བརྩེའི་སྒོམ་དང་འབྲེལ་བའི་ད་ཡོད་ཀྱི་ཉམས་ཞིབ་ཁག་གི་བརྒྱུད་རིམ་ལག་བསྟར་བྱ་ཕྱོགས་དང༌།མ་འོངས་འཆར་འགོད་བཅས་ཀྱི་ཐད་ལ་ཚན་རིག་དང་འབྲེལ་བའི་སྒོ་ནས་བགྲོ་གླེང་གནང་གི་ཡོད་པ་རེད།།