༸གོང་ས་མཆོག་གི་བཀའ་སློབ་སྔ་རྗེས་ཕེབས་པར་རྗེས་དྲན།

གནད་དོན་གླེང་མོལ་གྱི་ལས་རིམ་ནང་།  བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་འདི་ལོ་དགུང་གྲངས་ ༨༦ ལ་ཕེབས་པའི་༧སྐུའི་འཁྲུངས་སྐར་དུས་ཆེན་ཉིན་མོ་དང་བསྟུན།    ༧གོང་ས་༧སྐྱབས་མགོན་ཆེན་པོ་མཆོག་གིས་བཀའ་སློབ་སྔ་རྗེས་ཕེབས་པའི་ཁྲོད་ནས་འཁྲུངས་སྐར་གྱི་ཕྱག་རྟགས་ཡག་ཤོས་ནི་༧གང་ཉིད་ཀྱི་བཀའ་སློབ་ཁག་ལ་སློབ་སྦྱོང་དང་ཉམས་ལེན་གནང་རྒྱུ་འདི་ཡིན་པ་གསལ་ཡོད་པ་ལྟར།   ལས་རིམ་འདི་ཐོག་ནས་༧གོང་ས་༧སྐྱབས་མགོན་ཆེན་པོ་མཆོག་གིས་ལྗགས་རྩོམ་མཛད་པའི་སྟོང་ལོ་གསར་པའི་བླང་དོར་གྱི་རྣམ་གཞག་དང་ཆོས་ལུགས་ཀྱི་རྒྱ་ལས་འདས་པའི་ལྟ་གྲུབ་ཅེས་པའི་ཕྱག་དེབ་བརྒྱུད་ནས་འཛམ་གླིང་འགྲོ་བ་མི་ཚང་མར་ཕན་པའི་མཛད་པ་དང་དགོངས་གཞི་ཁག་ལ་དཔྱད་བསྡུར་ཞུ་སླད་སེར་བྱེས་རྒན་བེ་རི་བསོད་ནམས་དབང་ཕྱུག་ལགས་གདན་ཞུས་ཀྱི་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་བཀྲིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་ཞུ།