ཁམས་སྐྱེ་རྒུ་མདོར་ས་ཡོམ་ཤུགས་ཆེ་བརྒྱབ་པ།

༄༅༎དེ་རིང་ཞོགས་པ་རྒྱ་ནག་གི་ཆུ་ཚོད་༧།༤༩ཐོག་ཁམས་སྐྱེ་རྒུ་མདོའི་གྲོང་ཁྱེར་ལྟེ་གནས་ཀྱི་ཉེ་འཁོར་སྤྱི་ལེ་༣༠ཙམ་གྱི་མཚམས་སུ་ས་ཡོམ་ཤུགས་ཆེ་བྱུང་ཡོད་པ་དང།སྐྱེ་དགུ་མདོའི་གྲོང་ཁྱེར་དུའང་ཤུགས་རྐྱེན་ཆེན་པོ་ཐེབས་ཡོད་པ་མ་ཟད།ད་ལྟའི་ཆར་ཁ་པར་དང་གློག་འཕྲིན་གྱི་བརྒྱུད་ལམ་མང་པོ་ཞིག་ལ་སྐྱོན་ཤོར་ནས་འབྲེལ་བ་བྱེད་ཐུབ་ཀྱི་མེད་པ་དང།རྒྱ་ནག་གི་གསར་འགོད་པ་ཁག་ཅིག་གིས་གནས་ཚུལ་ཤེས་རྟོགས་བྱུང་བ་ལྟར་ན།སྐྱེ་དགུ་མདོའི་གྲོང་ཁྱེར་གྱི་མི་མང་གི་ཁང་པ་བརྒྱ་ཆ་དགུ་བཅུ་ཙམ་ལ་གཏོར་སྐྱོན་ཐེབས་ཡོད་པ་དང།མི་མང་པོ་ལ་སྲོག་སྐྱོན་ཚབས་ཆེན་ཤོར་ཡོད་པའི་ཚོད་དཔག་བྱེད་བཞིན་ཡོད་པ་དང།ད་ལྟའི་ཆར་སྨན་ཁང་དུ་བསྐྱལ་བ་མང་པོ་བྱུང་ཡོད་པའི་གནས་ཚུལ་ཐོན་མ་ཐག་བོད་ཀྱི་ཆོས་སྲིད་གཉིས་ཀྱི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་བཙན་བྱོལ་བོད་གཞུང་དམངས་ནས་ཐུགས་སྨོན་གསོལ་འདེབས་གནང་བའི་སྐོར་གྱི་གནས་ཚུལ་ཞིག་གསན་རོགས༎