ဟာသသရုပ်ဆောင် ကိုဇာဂနာအကြောင်း မှတ်တမ်းရုပ်ရှင် အမေရိကန်မှာ ပြသ

အမေရိကန်ပြည်ထောင်စု အရှေ့ဖက်ခြမ်း ဝါရှင်တန်ဒီစီမြို့တော်နဲ့ သိပ်မဝေးတဲ့ အာလင်တန်မြို့နယ်က လူ ၂၀၀ ဆန့် အနုပညာ ပြပွဲရုံတခုမှာ စီစဉ်ပြသနေကြောင်း ဒီရုပ်ရှင်ပွဲကို စီစဉ်သူ မြန်မာ့အရေး လှုပ်ရှားနေတဲ့ ကိုအောင်ကျော်ဦးက ပြောပါတယ်။

“ကျွန်တော်တို့ This prison where I live ဆိုတဲ့ ကိုဇာဂနာ့အကြောင်း ရိုက်ထားတဲ့ ရုပ်ရှင် documentary ကို ကျွန်တော်တို့ ဒီ U.S. မှာ ပထမဆုံးအကြိမ် premiere အနေနဲ့ ဒီပွဲကို လုပ်တာပါ။ ဒီရုပ်ရှင်ကို ရိုက်ပေးတဲ့ ဒါရိုက်တာကြီးနဲ့ ကျွန်တော် ဗန်ကောက်မှာ တွေ့တယ်လေ။ ဗန်ကောက်မှာ တွေ့ပြီးတော့ သူ ဒီ အမေရိကားကို လာလည်တယ်။ လာလည်ရင်းနဲ့ ကျွန်တော်နဲ့ စကားပြောဖြစ်ရင်းနဲ့ ဒီမှာ ဒီဟာလေး လုပ်ချင်တယ်လို့ ပြောတော့ သူကလည်း အိုကေပါတဲ့၊ လုပ်ပါဆိုလို့ အဲဒါ ကျွန်တော်တို့ လုပ်ဖြစ်တာပါ။ ကိုသူရ ဇနီးရယ်၊ နောက် သူ့သားရော၊ သမီးရော ပါလာပါတယ်။”

ဒီရုပ်ရှင်ပြပွဲမှာ ရန်ကုန်မြို့ကိုသွားပြီး လူရွှင်တော် ဇာဂနာအကြောင်း မှတ်တမ်းရုပ်ရှင် ကိုယ်တိုင် ရိုက်ကူးခဲ့တဲ့ ဗြိတိသျှ လူမျိုး ဒါရိုက်တာ  Rex Bloomstein နဲ့အတူ လူရွှင်တော် ကိုဇာဂနာရဲ့ ဇနီးနဲ့ သားသမီး နှစ်ဦးတို့လည်း ကိုယ်တိုင် တက်ရောက်ပြီး လူရွှင်တော ်ဇာဂနာနဲ့ ပတ်သက်လို့ ပရိသတ် သိလိုသမျှကို ပြန်လည် ဖြေကြားမယ်လို့ သိရပါတယ်။