သဘာဝပတ်ဝန်းကျင် ထိန်းသိမ်းရေး ဒေါ်အောင်ဆန်းစုကြည် တိုက်တွန်း

ရန်ကုန်မြို့ ဗဟန်းရွှေဂုံတိုင်လမ်း တော်ဝင်နှင်းဆီခြံမှာ ကျင်းပသော Live Together with Wetland “ရေတိမ်ဒေသအလှတွေနဲ့အတူ” ဓာတ်ပုံပြပွဲကို ၂၀၁၂ ခုနှစ် ဇန်နဝါရီလ ၂၇ ရက်နေ့က ဒေါ်အောင်ဆန်းစုကြည် လာရောက်ကြည့်ရှု့နေစဉ်။ (Photo courtesy of Maw Pyay)

ဓာတ်ပုံပြပွဲကို ဖဲကြိုးဖြတ် ဖွင့်လှစ်ပေး အပြီး အဖွင့်မိန့်ခွန်းမှာ အဲဒီလို ပြောကြားသွားကြောင်း ဓာတ်ပုံဆရာ ဦးစိန်မျိုးမြင့်က ပြောပြပါတယ်။

သဘာဝအလှတွေကို စောင့်ထိန်းတာဟာ နိုင်ငံသူ နိုင်ငံသားတွေရဲ့တာဝန်ဖြစ်တဲ့ အကြောင်း၊ အနုပညာရှင်တွေ ပါဝင်အားပေးတဲ့ အတွက်လည်း အတော် ထိရောက်နိုင်တဲ့ အကြောင်းနဲ့ လူကြီးလူငယ် အားလုံး နိုင်ငံရဲ့ သဘာဝအလှ တန်ဖိုးကို သိပြီး လုပ်ဆောင်နိုင်ကြပါစေကြောင်း ကိုလည်း ဓာတ်ပုံပြပွဲ အမှတ်တရ အဖြစ် ဒေါ်အောင်ဆန်းစုကြည်က မှတ်တမ်း ရေးသားသွားပါတယ်။

မြန်မာငှက်နဲ့ သဘာ၀ ပတ်ဝန်းကျင် ထိန်းသိမ်းရေး အသင်းက ကြီးမှူး ကျင်းပတဲ့ ဒီဓာတ်ပုံပြပွဲမှာ ဧရာဝတီမြစ်ဆုံ ရေကာတာ ပတ်ဝန်းကျင်က လွဲလို့ နိုင်ငံတစ်ဝန်းက ရေတိမ်ဒေသ အလှတွေကို မှတ်တမ်းတင် ရိုက်ကူးထားတဲ့ ဓာတ်ပုံတွေ ပြထားတာလို့ ဦးစိန်မျိုးမြင့်က ပြောပါတယ်။

ဓာတ်ပုံပြပွဲကို ဒီနေ့က စပြီး ဇန်နဝါရီ ၂၉ ရက် အထိ ခင်းကျင်းပြသထားပါမယ်။