နေပြည်တော်ကျောက်မျက်ပြပွဲမှ ဒေါ်လာ သန်းထောင်ချီရ
2010.12.08
စစ်အစိုးရက ရန်ကုန်မြို့တွင် ၂၀ဝ၈ ခုနှစ် မတ်လက ကျင်းပခဲ့သည့် ကျောက်မျက်ရတနာ ပြပွဲတွင် ကျောက်ကုန်သည်တဦး အရည်အသွေး ကြည့်ရှု စစ်ဆေးနေပုံ ဖြစ်ပါသည်။ (Photo: AFP)
ဒါဟာ ၁၉၆၄ ခုနှစ် နောက်ပိုင်းမှာ တကြိမ်တည်းနဲ့ ရောင်းရငွေ ပမာဏ အများဆုံး ဖြစ်တယ်လို့ ဆိုပါတယ်။ ဒီပြပွဲကို နိုင်ငံတကာက ကျောက်ကုန်သည် ၄ ထောင် အပါအဝင် စုစုပေါင်း ကျောက်ကုန်သည် ၆၇၀၀ လောက် လာရောက်ခဲ့တယ်လို့လည်း ဆိုပါတယ်။
ကျောက်မျက်ရတနာပြပွဲကနေ ရောင်းရငွေ ပမာဏကို စစ်အစိုးရက ထုတ်ဖော် ပြောဆိုတာဟာ ပြီးခဲ့တဲ့ ၅ နှစ်အတွင်း ဒါဟာ ပထမဆုံးအကြိမ် ဖြစ်တယ်လို့လည်း သတင်းမှာ ဖော်ပြပါတယ်။
မြန်မာစစ်အစိုးရကို စီးပွားရေး ပိတ်ဆို့ အရေးယူတဲ့အနေနဲ့ အမေရိကန် ပြည်ထောင်စုနဲ့ အနောက်နိုင်ငံတွေက မြန်မာနိုင်ငံက ကျောက်မျက်ရတနာတွေ အရောင်းအဝယ် လုပ်တာကို တားမြစ်ထားပေမဲ့ မြန်မာစစ်အစိုးရဟာ ကျောက်မျက်ရတနာ ရောင်းချရာကနေ ဝင်ငွေ အကြီးအကျယ် ရရှိနေတယ်လို့ ဆိုပါတယ်။
ကမ္ဘာ့ ပတ္တမြားနဲ့ ကျောက်စိမ်း ၉၀ ရာခိုင်နှုန်းဟာ မြန်မာနိုင်ငံက ထွက်ရှိတာ ဖြစ်ပြီး ကျောက်စိမ်းတွင်း နဲ့ တခြား အဖိုးတန်ကျောက်တွင်း အကုန်လုံးနီးပါးကို စစ်အစိုးရ ကာကွယ်ရေးဝန်ကြီးဌာန၊ သတ္တုတွင်းဝန်ကြီး ဌာန အပါအဝင် စစ်အစိုးရနဲ့ နီးစပ်တဲ့ စီးပွားရေးလုပ်ငန်းရှင်ကြီးတွေကသာ လုပ်ကိုင်နေတယ်လို့လည်း သတင်းမှာ ဖော်ပြထားပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
