အမျိုးသားလွှတ်တော် ဥက္ကဌဟောင်း ဦးခင်အောင်မြင့် တင်သွင်းတဲ့ အဆို ဆွေးနွေး
2016.09.07
ချင်းပြည်နယ် မဲဆန္ဒနယ်အမှတ် ၁၀ က ဦးလားလ်မင်းထန် စက်တင်ဘာလ ၇ ရက်နေ့က အမျိုးသားလွှတ်တော်မှာ ဆွေးနွေးနေစဉ်
အမျိုးသားလွှတ်တော် ဥက္ကဌဟောင်း ဦးခင်အောင်မြင့်ရဲ့ စာမတတ်သူပပျောက်ရေး၊ အဆင့်မြင့် ပညာတွေ သင်ကြားနိုင်ရေးနဲ့ တိုင်းရင်းသားစာပေ ထွန်းကားရေးတို့ကို အထူးစီမံကိန်းချမှတ်ပြီး ဆောင်ရွက်ဖို့ ပြည်ထောင်စု အစိုးရထံ တိုက်တွန်းတဲ့အဆိုကို ဒီကနေ့ အမျိုးသားလွှတ်တော်မှာ ဆွေးနွေးကြပါတယ်။
ကိုယ်စားလှယ် ၇ ဦး က ပါဝင်ဆွေးနွေးရာမှာ တိုင်းရင်းသားစာပေတွေ သင်ကြားရေးအတွက် ဘာသာစကား ကျွမ်းကျင်တဲ့ ဝန်ထမ်းတွေကို ခန့်အပ်ထားသင့်တယ်လို့ အမျိုးသားလွှတ်တော် ချင်းပြည်နယ် မဲဆန္ဒနယ်အမှတ် ၁၀ က ဦးလားလ်မင်းထန် က ဆွေးနွေးခဲ့ပါတယ်။
အဲ့ဒီအဆိုဟာ အမျိုးသားနိုင်ငံရေးနဲ့ တိုက်ရိုက်ဆက်နွယ်နေတယ်လို့လည်း ဦးလားလ်မင်းထန်က ဆွေးနွေး ပါတယ်။ ပြည်တွင်းငြိမ်းချမ်းရေးနဲ့ တိုင်းရင်းသား စည်းလုံးညီညွတ်ရေးတို့အတွက် ဒီအဆိုဟာ အထောက်အကူပြု တယ်လို့ လွှတ်တော်ကိုယ်စားလှယ်တချို့က ဆွေးနွေးခဲ့ကြပါတယ်။
ဒါ့အပြင် ဖွံ့ဖြိုးတိုးတက်မှုနည်းပါးတဲ့ တိုင်းရင်းသားဒေသတွေမှာ စာမတတ်သူပပျောက်ရေးနဲ့ အဆင့်မြင့်ပညာ သင်ကြားရေးဟာ အရေးကြီးတဲ့အကြောင်း လည်း ဆွေးနွေးကြပါတယ်။
အဲဒီအဆိုကို မနက်ဖြန် ကိုယ်စားလှယ်အချို့ထပ်မံဆွေးနွေးပြီး လွှတ်တော်ရဲ့အဆုံးအဖြတ်ရယူမှာ ဖြစ်ပါတယ်။
ဖတ်ရှုသူအများဆုံး သတင်းများ။
သတင်းများ
